Categories: Bulabugin

P1-M orchid mula Singapore binili ng NPDC para kanino?!

Share

TALAGA bang walang alam gawin ang mga itinalaga ni Pangulong Rodrigo “Digong” Duterte kundi ang pakapalin ang mga bulsa nila at bigyan ng kahihiyan ang kanilang Patron?!

Isa sa mga binubusisi ngayon ni Tourism Secretary Berna Romulo-Puyat ang ‘walastik’ na P1-milyong orchids na binili umano ng National Parks Development Committee (NPDC) sa Singapore.

Nadiskubre ang ‘maanomalyang’ transaksiyon makaraang maglabas ng ‘red flag’ ang Commission on Audit (CoA) sa kanilang report ukol sa biniling orchids.

Natuwa naman ang NPDC Employees Association (NPDCEA) sa desisyon ni Madam Berna na repasohin ang transaksiyon sa pagbili ng sinasabing million-peso orchids.

Aba, ‘e walastik talaga, mantakin ninyo, orchids na nakapangalan umano kay Digong?!

Wattafak!

Ginamit pa ang pangalan ni Tatay Digong, ha!

Bukod sa orchids na ‘yan, kabilang din sa bi­nu­busisi ni Madam Berna ang sinabing ire­gularidad sa kuwestiyonableng P7.5 milyon gastos ni NPDC Executive Director Penelope Belmonte base sa CoA report.

Anim na buwan ang ibinigay ng Kalihim kay Belmonte para ipaliwanag ang kuwesti­yo­nableng P7.5 milyon gastos kabilang ang P.5 milyong tailoring services, designer’s bag, mga bagong sasakyan at bodyguard.

Binubusisi rin ang kontrobersiyal na study tour sa Singapore Parks and Recreation Manage­ment na ang hangarin umano ay ma­kakuha ng orchids na pinangalanang Duterte.

Hindi natin alam kung kaaawaan o kaiinisan itong mga pinagkatiwalaan ni Pangulong Digong na maupo sa isang ahensiya ng go­byerno.

Aba ‘e parang hayok na buwitre kung ma­kapanila ng pondo ng gobyerno.

Hindi ba ninyo naranasan ‘yan noong nasa private sector kayo?!

Kaya nga ang sabi ng Pangulo, gusto niyang bigyan ng posisyon ‘yung mga may pera na, ‘yung mayayaman, ‘yung hindi na magnanakaw sa gobyerno.

E bakit, may nakalusot pa rin na mahihilig magbulsa at umepal?!

Mabuti na lamang at hindi umaatras si Madam Berna sa paglilinis sa Department of Tourism (DOT) na talaga namang nais ‘pigain’ ang pondo ng mga nauna sa kanya, at ngayon nga ay mayroon pa palang remnants?!

Kaya kung mayroon pang mga nagtatagong ‘surot’ diyan, huwag kayong mag-aalala, susunod na kayo!

Hintayin ninyo si Madam Berna!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Gretchen at Claudine, magkasundo pagdating kay Dominique

BAGAMA’T they don’t really see eye to eye, it would be noticed that Gretchen and Claudine Barretto get along well… Read More

2 hours ago

Mahusay na aktres, iba na ang sexual preferences

NAGBABAGO rin pala ang sexual preferences ng isang utaw. Ito ang na-realize mismo ng isang mahusay na aktres na kaya… Read More

2 hours ago

Onanay, malapit nang tuldukan

MUKHANG malapit nang tuldukan ang seryeng Onanay na puro na lang away nina Mikey Quintos at Kate Valdez ang napapanood. Sa away lang ng dalawanumiikot… Read More

2 hours ago

The Maid in London, ipalalabas sa Malaysia

NAGING matagumpay ang ginanap na dalawang free screening ng advocacy film na The Maid In London sa Robinson’s Galleria noong December 7… Read More

2 hours ago

Liza, naniwalang may forever dahil kay Ice

ANIBERSARYO na ng kanilang maluwalhating pagmamahalan na nasaksihan naman namin ang pag-iisang dibdib nila na taon na ang lumipas sa… Read More

2 hours ago

Sharon Cuneta, may proyekto kay Direk Erik Matti

SA naging pagtanggap ng mga tagahanga nila sa muli nilang pagsasama sa Three Words to Forever maski pa gustuhin nina Sharon Cuneta at Richard Gomez na… Read More

2 hours ago