Wednesday , November 14 2018
Breaking News
You are here: Home / News / Kopya ng Fed Con ibibigay kay Duterte ng ConCom
Kopya ng Fed Con ibibigay kay Duterte ng ConCom

Kopya ng Fed Con ibibigay kay Duterte ng ConCom

TATANGGAPIN ni Pa­ngulong Rodrigo Duterte ngayon sa Palasyo ang panukalang Federal Constitution na bina­langkas ng Consultative Committee na inatasang magrepaso sa 1987 Constitution.

Sinabi ni Presidential Spokesman Harry Roque, ang naturang okasyon ay isang mahalagang hak­bang tungo sa pagtupad ng pangako ni Pangulong Duterte na gawing federal ang uri ng gobyerno mula sa unitary.

Umaasa aniya ang Palasyo na tututukan ito ng Kongreso kasabay nang paghahanda na isumite ang mga pagba­bago sa Constitution sa sambayanang Filipino bilang constituent assembly.

READ MORE:  ‘Con artist’ timbog sa OLFU (Sa pekeng membership promo)

“This is a significant step towards realizing PRRD’s promise to shift to a federal form of govern­ment. Were hoping that Congress will give it much weight as it prepares to submit proposed revisions to the Constitution to the people as a constituent as­sem­bly,” ani Roque.

Ang panukalang Fed Con ay bunga nang mahigit apat-na-buwan deliberasyon ng 22 miyembro ng ConCom na pinamunuan ni dating Chief Justice Reynato Puno.

READ MORE:  HS student inutas sa Pampanga resort

Matatandaan, inapro­bahan ng ConCom ang draft Fed Con at ang pinakatampok ang pag­likha ng 18 federal states at ang bawat isa ay magkakaroon ng kinata­wang dalawang senador.

Ipagbabawal din sa bagong Saligang Batas ang political dynasty, ngunit mananatili bilang pinuno ng bansa ang pangulo at bise presidente na ihahalal bilang tandem gaya sa Amerika.

READ MORE:  Talunang kagawad nagbigti sa bangketa (Jobless at wala nang bahay)

Parehong may 4-year term ang Pangulo at bise presidente na puwedeng maiboto muli para sa isa pang termino.

Noong Biyernes ay inihayag ni Pangulong Duterte na nais niyang isama sa probisyon ng bagong Konstitusyon na tapusin ang kanyang termino sa panahon ng transition sa federal mula sa unitary upang pabu­laanan ang akusasyon ng mga kritiko na nais niyang palawigin ang pagkaluklok sa Palasyo.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved