Categories: Opinion

Buking si hepe ng Parañaque

PETSA 3 Hulyo 2018 nang ireklamo ng Solaire Resort Casino sa pulisya ng Parañaque City ang isang Taguig City Councilor sa katauhan ni Councilor Richard Paul Jordan, dahil sa kasong pagnanakaw ng ilang gamit sa loob ng isang kuwarto na inokupa nito at nang magresponde ang mga pulis, nakuhaan ang konsehal ng 31 tabletas ng Ecstasy.

Petsa 7 Hulyo, tinawagan ng inyong lingkod si Parañaque police chief, Supt. Victor Rosete sa telepono, dahil hinahanap ng inyong lingkod ang nahuling konsehal ng Taguig. Sagot ni hepe: “Tsek ko ho i-verify ko lang kung may huli.”

‘Yan ang malinaw na sagot ng hepe sa inyong lingkod nang tawagan ko siya noong July 7, alas-onse ng umaga gayong nahuli ang konsehal noon pang July 3, 7:30 ng gabi!

***

Ang aking tanong, bakit hindi agad iprenesinta ni hepe sa media at kay Parañaque City Mayor Edwin Olivarez? Bakit nang bulabugin na ng media ang opisina ni hepe ay hindi sumasagot sa mga tawag, ayon kay Armida Rico ng Abante?

Isa lang ang ibig sabihin, naturete si Supt. Rosete, dahil paano makikita ang nahuling Taguig councilor, ‘e ayon sa ating source naroroon sa kanyang opis at VIP treatment!

Ang tanong, bakit ang tagal bago ini-inquest? kaya ba natuluyan sampahan ng kaso ay dahil pinigil ng Solaire Resort Casino at nawala ang kasong pagnanakaw kundi possession ng illegal drugs ang isinampang kaso laban sa konsehal.

***

Malinaw na nagsinungaling si hepe sa inyong lingkod! Itinago ang inarestong konsehal! Maging si Mayor Olivarez, July 7 na ng hapon nakatanggap ng spot report sa nahuling si Taguig councilor Jordan! Ano sa palagay ninyo ang dahilan, bakit naantala ang pagsasampa ng kaso laban sa konsehal ng Taguig?

Kayo rin ang mag-isip, bakit nawala ang dapat ay kasong pagnanakaw sa Solaire Casino Resort? Ano ang dahilan? Esep-esep mga ‘igan!

***

Maraming salamat sa aking informer from Taguig na nagpadala sa akin ng mensahe noong July 4 ng umaga. Kung hindi sa nasabing informer baka walang nakakulong na konsehal ng Taguig!

DAHILAN KUNG BAKIT 
NAPIPILITANG IKANSELA
ANG BOOKING SA GRAB

Isa sa ma­laking problema ng mga pasa­hero ng Grab ay kawalan ng tamang oras ng kanilang pag­dating. Ka­dalasan kina­kansele na ang booking. Isa ito ngayon sa problema ng Grab. Kapag nag-book ang pasahero aapir sa account ng Grab. Halimbawa ay seven minutes darating na ang drayber ng Grab pero natapos na ang pitong minuto wala pa ang drayber ng Grab. Ang gagawin ng pasahero tatawagan ang driver ‘yun pala ay malayo pa. Dahil maiinip ikakansel na lang ang booking!

***

Naging karanasan ng inyong lingkod ang mga ganitong pangyayari kung minsan ay umaabot pa ng trenta minutos ang paghihintay! Ito ay dahil kahit malayo pa ang driver at kung sino ang malapit sa area ng pasahero ‘yun ang kanilang titimbrehan. Ito namang si driver accept agad kahit alam niyang malayo sa area ng pasahero bukod sa trapik na lugar na daraanan niya. Sa buwisit ng pasahero na naiinip ikakansela ang booking.

Hindi advisable ang Grab car kung nagmamadali ang isang pasahero.

***

Marami rin sa drayber ng Grab car ay nagdedepende sa Waze na nakapagtuturo ng daan sa kanila na kadalasan ang nangyayari ay naliligaw dahil karamihan sa drayber ay walang alam sa lugar! Lalo na iyong mga drayber na marunong nga magmaneho pero walang alam sa lugar sa Kalakhang Maynila dahil lang sa kagustuhang magkaroon ng hanapbuhay!

***

Mas mataas nga ang pasahe sa Grab car kaysa taksi. Secured ka sa Grab car sabi nila pero kung hindi mo alam ang lugar na iyong pupuntahan sa waze ng driver sa kanyang cellphone makakarating ka sa iyong paroroonan!

‘Yun nga lang ‘pag nalobat ang cellphone ng drayber dalawa kayong maliligaw!

ISUMBONG MO
KAY DRAGON LADY
ni Amor Virata

COMMENTS
Amor Virata

Share
Published by
Amor Virata

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

1 day ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

1 day ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

1 day ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

1 day ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

1 day ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

1 day ago