Thursday , November 15 2018
Breaking News
You are here: Home / News / Federalismo mina-marathon — Solon

Federalismo mina-marathon — Solon

MINAMADALI ang mga pagbabago sa Saligang Batas para maisa­katu­pa­ran ang pangako ng Federalismo na ipagyayabang ni Pangulong Rodrigo  Duterte sa kanyang ikatlong State of the Nation Address sa darating na 23 Hulyo 2018.

Ayon kay Albay Rep. Edcel Lagman, may komedya nang aprobahan ang krokis ng “Federal Constitution” sa kadahi­lanang magkalaroon ng konsultasyon kapag nai­sumite ito kay Duterte sa 9 Hulyo.

Inusisa ni Lagman ang Consultative Committee na pinamumunuan ng dating mahistrado ng Supreme Court na si Rey­nato Puno kung bakit nagtakda ng regional consultation sa Legazpi City sa 6 Hulyo, dala­wang araw bago isumite ang nasabing dokumento sa Malacañang.

READ MORE:  Manyak na driver arestado sa holdap

Wala aniya itong sapat na konsultasyon at tila inilagay ng komite ang karitela sa unahan ng kabayo.

Pinuna ni Lagman ang direktiba ng Depart­ment of Interior and Local Government na nag-uutos sa lahat ng mayor, vice mayor at mga konsehal na dumalo sa gaganaping konsultasyon sa Legazpi.

READ MORE:  Bulacan towns binaha kay Kabayan (Angat, Ipo dam umapaw)

Inutusan din umano ang mga mayor na mag­paskil ng karatula na nagsasaad ng su­porta nila sa Fede­ralis­mo.

Sinabi ni Lagman, hanggang ngayon wala pang kopya ng “Federal Constitution” ang mga lokal na opisyal habang sila ay inaatasan na dumalo at suportahan ang isang “Federalism Convention.”

READ MORE:  Bebot na police asset sinalbeyds

Isiniwalat din ni Lagman, sa 17 rehiyon, tatlo lamang ang may kakayahan na maging federal states – Metro Manila, Calabarzon at Region 3. Ang iba pa, ani­ya, ay lugmok sa kahi­rapan.

Hindi rin, aniya, alam ng karamihan ng Filipino ang panukalang baguhin ang porma ng gobyerno mula presidential tungo sa federalismo.

ni Gerry Baldo

COMMENTS

About Gerry Baldo

Scroll To Top
 

Copyright hatawtabloid.com | All Rights Reserved