Friday , March 29 2024

Anne Curtis, namalimos sa eroplano

WALANG takot at bahid ng pagkahiya na namalimos si Anne Curtis ng mga barya. May dala talaga siyang maliit na supot na katsa at lumapit sa mga tao at nanghingi ng mga barya.

Pero hindi sa kalye ginawa ni Anne ang panghihingi ng limos. At hindi ‘yon isang eksena sa isang pelikula na kasalukuyan n’yang ginagawa.

Sa loob ng isang eroplano ng Cebu Pacific Airways namalimos ng barya si Anne ilang araw lang ang nakararaan.

Pauwi siya mula sa Cagayan de Oro sa Mindanao. Ginawa n’ya ang panghihingi ng donasyon na iyon para sa UNICEF, isang ahensiya ng United Nations na isa siya sa fundraisers para sa kapakanan ng mga batang naghihikahos, apektado ng mga kalamidad o digmaan.

Nagpalitrato pa si Anne na naka-UNICEF T-shirt at may hawak na maliit na supot ng katsa at nakatayo sa pasilyo ng isang eroplano ng Cebu Pacific. Ipinost n’ya sa Instagram n’yang (@annecurtissmith) ang picture noong Lunes (July 2) bilang pasasalamat sa nalikom n’yang “loose changes” (mga barya).

Nakatatlong supot na barya si Anne.

Gayunman, may nam-bash pa rin sa kanya sa pagkakawanggawa n’ya.

Sabi ng isang  netizen na ang codename ay @pinaynailonggainny: “I was going to comment on here that how about Anne just give her own money to help UNICEF?

“Instead of going around collecting money from low income citizens? Tsk tsk… can’t help but think that these act of ‘kindness’ that celebrities do is all for publicity…”

Maayos naman na sumagot si Anne: “With all due respect madam, trust me, I do my own part and donate from my own pocket on many other occasions for UNICEF and for my foundation Dream Machine BUT for this specific project, the main goal is using where I am to INSPIRE others to do good and donate any loose change – ONLY IF THEY CAN.”

Idinagdag ni Anne na nakabisita siya sa Bobon, Northern Samar, at nakita n’ya kung paano nakinabang ang mga bata at mga ina sa mga gawain doon ng UNICEF.

Aniya: “So, yes I am, proud to be part of project that is making a difference in this world and will continue to use all my social media platforms to raise awareness and inspire others to make a difference in this world and help our fellow country men.

“At least may ginagawa kami. Hindi nganga and puro complaining on social media po. We are actually making a difference.”

Kapuri-puri si Anne!

KITANG-KITA KO
ni Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *