Thursday , September 20 2018
Breaking News
You are here: Home / Bulabugin / Single-use plastics sa fastfoods ‘ibasura’ nang tuluyan
Single-use plastics sa fastfoods ‘ibasura’ nang tuluyan

Single-use plastics sa fastfoods ‘ibasura’ nang tuluyan

DUMATING na tayo sa panahon, na kailangan na talagang wakasan ang tinatawag na single-use plastics sa lahat ng commercial establish­ments lalo sa mga fastfood chain.

Kung sino pa ‘yung mga fastfood na napa­ka­lakas kumita at tinatangklilik ng publiko, sila pa ang hindi nagmamahal sa kapaligiran.

Kahit sa loob mismo ng fastfood kumain ang customer, isinisilbi sa plastic o styropor maging ang kubyertos na ginagamit ay gawa sa plastic.

Ang baso plastic na nga, lalagyan pa ng plastic na straw.

Siyempre, isang beses lang gagamitin ‘yan. Itatapon na sa basurahan.

‘Yung mga basura hindi naman lahat nada­dala sa tamang tapunan marami riyan sa ilog ang deretso o kaya sa Manila Bay buma­bagsak.

Kaya nagtataka pa ba tayo kung bakit kaunting ulan lang, grabe na ang bahang nararanasan?!

Piling-pili ang food establishments na gumagamit ng papel o recyclable materials sa kanilang mga take home counters.

Gaya ng Subway, Aristocrat, Mary Grace at iba pa.

Sa Subway kung hindi magte-takeout, ibabalot ang sandwich sa wax paper at ang kanilang drinks ay sa paper cup isinisilbi.

Hindi ba kayang gawin ‘yan ng Jollibee, McDo at iba pang food establishments?!

Makiisa po tayo sa EcoWaste Coalition sa ka­ni­lang panawagan na tumulong tayong i-ban ang paggamit ng mga styropor, plastic cups, spoons and forks dahil hindi ito makatutulong para luminis ang ating baybayin gayondin ang hangin na ating nasisinghap.

Kung hindi magkakaisa ang mga mamama­yan, malamang pagkitaan pa ‘yan ng mga bulok na government officials at kung ano-anong machine kuno na kakain sa basurang plastic ang ipabili sa ating mga taxpayer.

Ibasura ang mga plastic!

Ibasura ang mga pekeng makina na kakain kuno ng plastic at basura!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved