Thursday , November 15 2018
Breaking News
You are here: Home / Showbiz / James, ‘di nakapagpigil, bagong baby, nai-social media agad
James, ‘di nakapagpigil, bagong baby, nai-social media agad

James, ‘di nakapagpigil, bagong baby, nai-social media agad

SI James Yap mismo ang hindi nakapagpigil ng kanyang kaligayahan at inilabas agad sa social media account niya ang panganganak ng kanyang girlfriend na si Michela Cazzola. Sinasabing isinilang ang baby girl nilang si Francesca Michelle sa timbang na 5.5 pounds, at talagang napakasuwerteng isinilang pa kasabay ng pista ng Mother of Perpetual Help sa Baclaran noong Miyerkoles.

Ngayon masasabi ngang kompleto na talaga ang kanilang pamilya, dahil lalaki ang kanilang panganay na si MJ na two years old na ngayon.

Siguro sinasabi nga nila, ang kasunod naman nating maririnig ay ang pagpapakasal nina James at Michela. Dalaga naman si Michela at si James ay wala na rin namang sabit na legal. Isa pa, pareho naman silang Katoliko at kung magpapakasal sila, malamang na sa simbahan iyan. Siguro naman ngayong alam na nila na talagang sila na nga, hindi nila gagawing magpakasal sa tabi-tabi lang at kung kaninong pastor na hindi naman nila kilala.

READ MORE:  Ate Vi at BG Producer, magsasanib-puwersa

Kasi sa nangyayari naman sa buhay nina James at Michela ngayon, masasabi mong ang pagsasama nila ay haban,buhay na. Wala kang makikitang problema. Wala kang makikitang napilitan lang sa relasyon. Talagang in love si James kay Michela, at ang dalaga naman ay ganoon din sa boyfriend niya. Aprub na aprub ang pamilya ni James kay Michela. At nang puntahan naman nila ang pamilya ni Michela sa Italya, sinasabing ang mga iyon ay kasundo at pabor na pabor din kay James. Ibig sabihin nagkakaisa ang kanilang pamilya sa kanilang relasyon.

READ MORE:  Judy Ann, marami ring natutuhan sa I Do

Iyan ang kaligayahan na hindi matutumbasan ng kahit na gaano karaming pera, at kahit na ano pang klase ng kayamanan, legal man o ill gotten wealth din. Kaya naman kung napansin ninyo, hindi na pinapansin ni James kung ano man ang mga patutsadang naririnig niya. Eh bakit pa nga ba niya papansinin iyon eh maligayang-maligaya na siya sa kanyang buhay ngayon.

READ MORE:  Jen, handang hintayin ni Dennis (Kahit 6 na taon bago magpakasal)

Basta buo na ang pamilya mo, at masaya kayo, pabayaan mo na ano man ang sabihin nila. Iyan namang mga mahilig sa patutsada, iyan ang mga taong hindi maligaya.

HATAWAN
ni Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved