Friday , March 29 2024

EB’s That’s My Tambay winner, recording artist na

KUNG tambay kayo ng Eat Bulaga, tiyak na kilala ninyo itong si Emil Paden. Si Paden ang Grand Winner ng That’s My Tambay sa EB four years ago.

Ang kakaibang karisma at taglay niyang talent ang talagang hinangaan sa kanya ng mga manonood. At ngayong nagbabalik si Paden, iparirinig naman niya sa buong mundo ang kanyang galing sa pagkanta gayundin ang bagong single at album niya.

Bago pa man hinarap ni Paden ang kanyang career sa pagkanta, nagkaroon muna siya ng pagkakataong umarte sa harap ng camera. Lumabas siya sa mga TV show na Maynila at Idol Ko Si Kap sa GMA 7 at sa Wildflower ng ABS-CBN.

Kasama rin siya sa pelikulang Ang Bayan Ko, isa sa official entry sa QualiCinema Film Festival na gaganap siya bilang si Gen. Miguel Montero.

Naging bahagi rin si Paden ng SOP Boys, ang boy group na regular na nagpe-perform noon sa Sunday noontime show ng GMA, ang SOP. Sumali rin siya sa dance contest ng It’s Showtime, Dancing In Tandem.

At ngayong taon, itutuloy ni Paden ang hilig niya sa musika, sa  pagharap sa panibagong pagsubok, ang pagiging recording artist. Magkakaroon siya ng eight-track album entitled, Ako Naman…Emil, isang collection ng moving love songs na tiyak bibihag sa puso ng bawat Pinoy.

Ang Ako Naman ang unang single na ilalabas mula sa album na ukol sa unrequited affection at pag-asa sa maibalik ang dating pagmamahalan. Isinulat ito ni Robster Evangelista.

Ang Ako Naman, na ipinamamahagi ng Curve Entertainment ay napakikinggan na sa mga radio station at simula noong June 22, ito’y ini-release sa digital platforms worldwide.

Mapakikinggan din sa album ang mga awiting Kumusta Ka na komposisyon ni Lito Camo, Ang Iyong Pagmamahal, Sabihin Mo Sa Akin na isinulat ni Jessa Mae Gabon, at ang classic OPM hit na Lumayo Ka Man Sa Akin (na original ni Rodel Naval) na binigyan ng Spanish guitar arrangement ni Jun Tamayo at siya ring co-producer ng album kasama ang veteran record executive na si Reck Cardinales.

Nasa album din ang Someone To Love Me Forever na isinulat at orihinal na ini-record ng soul and R&B artist na si Chris Walker, Ikaw Pala at Mukha Ng Pili-pina na isinulat ni Robster Evangelista.

Ang executive producer ng album ay si Malou Roxas (Maria Leonora G. Roxas) at ito’y ire-release rin sa Spotify, iTunes, Apple Music, Amazon, at Deezeer.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *