Wednesday , September 26 2018
Breaking News
You are here: Home / Showbiz / Kate Brios sasabak muli sa horror film, talent na ni Baby Go!
Kate Brios sasabak muli sa horror film, talent na ni Baby Go!

Kate Brios sasabak muli sa horror film, talent na ni Baby Go!

ANG actress/businesswoman, at MTRCB board member na si Kate Brios ang isa sa mga bagong alagang contract artist ng BG productions lady boss na si Ms. Baby Go. Nang nakahun­tahan namin sila recently, very optimistic si Ms. Baby sa niluluto nilang project for Ms. Kate.

“Malay mo rito sa bagong movie niyang gagawin sa BG Productions manalo siya ng award. Alam naman natin na lahat ng artista pangarap manalo ng award, ‘di ba? Sa akin naman kasi, handa naman tayong tumulong sa lahat para makamit ang kanilang pangarap,” naka­ngiting saad ng lady producer.

READ MORE:  Isabelle Daza, makapaghahanda na sa pagpapakasal sa pagtatapos ng TAL

Reaksiyon dito ni Ms. Kate, “Why not? Gusto kong manalo rin ng award at baka rito ko nga makuha iyon sa BG. Happy siyempre tayo sa BG, kasi kilala sila sa mga award-winning movies.”

Nagbida na sa ilang horror movies si Kate at naging markado ang pag­ga­nap sa peliku­lang Bomba na pinagbidahan ng award-winning actor na si Allen Dizon.

“Kontrabida ako roon sa Bomba, iyon namang sa Men in Uniform kontrabida rin, hahaha! Okay lang namang malinya ako sa ganyang role. Pero gusto ko rin ‘yung iyakan naman. Gusto ko naman na ako naman ‘yung sinasampal, ako naman iyong inaapi,” nakata­wang pahayag ni Ms. Kate.

READ MORE:  Tomboyserye ni Marian, ‘di na raw tuloy; Direk Dominic, na-badtrip

Dagdag niya, “Tapos, may gagawin din kami na movie para sa international film festival.”

Nabanggit din niya sa aming tsikahan na may gagawin siyang horror movie sa BG Productions at ito raw ang susunod niyang paghahandaan.

READ MORE:  Allen Dizon, Best Actor sa 13th Salento International Film Festival

Anyway, susunod na aaba­ngang pelikula sa movie com­pany ni Ms. Baby ang Latay sa direksiyon ni Ralston Jover na pinagbibidahan nina Allen Dizon at Lovi Poe, with Snooky Serna at Mariel de Leon, at ang School Service ni Direk Louie Ignacio. Ito ay tinatampukan nina Ai Ai Delas Alas at Joel Lamangan at entry sa Cinemalaya Independent Film Festival 2018. Nasa pre-production stage na ang mga proyekto nina Joel Lamangan, Mel Chionglo, Neal Tan, at Joey Romero.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved