Thursday , November 15 2018
Breaking News
You are here: Home / News / Labi ng Pinoy na pinatay ng Slovakian nasa PH na
Labi ng Pinoy na pinatay ng Slovakian nasa PH na

Labi ng Pinoy na pinatay ng Slovakian nasa PH na

NAGING madamdamin ang pagdating ng labi ng isang overseas Filipino worker (OFW) na walang awang pinatay ng isang Slovakian national nang ipagtanggol ang dala­wang Filipina na binastos habang namamasyal sa naturang bansa.

Lumapag sa Aegis hangar NAIA Complex ang chartered flight pasado 10:00 am lulan ang labi ni Henry John Acorda, 36, residente sa Central Signal Village, Taguig City, na nagtra­trabaho bilang financial analyst sa Slovakia.

READ MORE:  Barangay officials itatalaga (Walang eleksiyon)

Sinalubong si Acorda ng kanyang pamilya, ka­mag-anak at mga kai­bigan, gayondin ni DFA Secretary Allan Peter Ca­yetano at ang misis ni­yang si Taguig City Mayor Lani Cayetano.

Ilang MIAA officials sa pamumuno ni General Manager Ed Monreal, ang sumalubong din at naki­ramay sa pamilya habang hinihintay ang pagdating ng labi ni Acorda.

READ MORE:  Debotong parak dedo sa hit & run

Noong 26 Mayo, wa­lang awang ginulpi ng 28-anyos Slovakian national ang Filipino worker nang ipagtanggol ang dala­wang Filipina na binastos ng Slovakian habang namamasyal sa kalsada.

READ MORE:  P.7-M shabu kompiskado, 2 arestado (Sa Quezon City)

Tinuligsa ni Slovakia Prime Minister Peter Pellegrini ang insidente at nangakong makakamtan ni Acorda ang hustisya kaugnay sa naging kamatayan niya.

Dinala sa Arlington Memorial Chapel sa Que­zon City ang labi ni Acor­da at dadalhin sa kanyang huling hantu­ngan sa Heritage Park, Taguig City. (JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved