Monday , July 23 2018
Breaking News
You are here: Home / News / Payo ng Palasyo: Tambay puwedeng Rumesbak sa parak

Payo ng Palasyo: Tambay puwedeng Rumesbak sa parak

PINAYOHAN ng Palasyo ang mga “tambay” na buweltahan ang mga pulis kung nilabag ang kanilang ka­ra­patan nang arestohin sila.

“Well, kasi po meron tayong established na mga mekanismo para pro­tektahan ang kara­patan ng kalayaan. U­nang-una po, e kapag kayo ay… kapag ang ma­mamayan ay naaresto at hindi naman kinasuhan, pupuwedeng makasuhan ng kriminal for illegal detention iyong ating (ka)pulis(an),” ani Roque hinggil sa “mass arrest” sa mga tambay sa naka­lipas na mga araw.

Inihalimbawa ni Ro­que sa mga umiiral na re­medyo na puwedeng ga­mitin laban sa mga pulis ang “habeas corpus” at “writ of amparo.”

Ang writ of habeas corpus ay isang kautusan para iharap ang isang tao na nakapiit at ipina­hi­hintulot sa isang bilanggo na kuwestiyonin ang lega­lidad nang pagdetine sa kanya.

Ang writ of amparo ay maaaring igiit ng isang tao kung ang kanyang ka­rapatang mabuhay, ka­layaan at seguridad ay nilabag o nanganganib dahil sa isang “unlawful act.”

Giit ni Roque, kapag nagkaroon ng trauma ang isang inaresto sa hinalang tambay ay puwedeng sam­pahan ng kasong sibil at humingi ng danyos laban sa pulis.

Ang pangunahing la­yunin ng direktiba ng Pangulo laban sa mga tambay ay upang bigyan proteksiyon ang publiko, ayon kay Roque.

 ni ROSE NOVENARIO

COMMENTS

About Rose Novenario

Scroll To Top
 

Copyright © 2009 - 2017 hatawtabloid.com | All Rights Reserved