Tuesday , October 16 2018
Breaking News
You are here: Home / News / Palpak ni Trillanes ‘wag isisi kay Digong — Cayetano
Palpak ni Trillanes ‘wag isisi kay Digong — Cayetano

Palpak ni Trillanes ‘wag isisi kay Digong — Cayetano

HINDI dapat isisi sa administrasyong Duterte ang kapalpakan ni Senator Antonio Trillanes IV at dating Pa­ngu­long Noynoy Aquino sa isyu ng Scarborough Shoal.

Ito ang idiniin ni Foreign Affairs Secretary Alan Peter Cayetano bi­lang sagot sa mga ipinu­pukol ng kampo ni Tril­lanes na kahinaan ng ak­siyon ng gobyerno sa pro­blema ng mga mangi­ngisda sa Scarborough o Panatag Shoal.

“Tayo ang may com­plete control ng Scar­borough Shoal at ang Chinese at Vietnamese fisherman, hinuhuli pa natin noong 2012, nag­ka­roon ng stand-off. D’yan po, si Senator Trillanes mismo ang naging back-channeler sa Chinese at on the record po ito lahat,” ani Cayetano sa panayam ng DZMM.

READ MORE:  Globe MyBusiness idinaos ang unang ‘MyBusiness Day’

“Nag-decide sila na paalisin ‘yung mga ship natin kasi may usapan daw sila with the Chinese na aalis din. Sa haba ng istorya, umalis ‘yung ship natin, ‘yung sa Chinese hindi, they got control,” paglilinaw ng Kalihim.

Tuluyan nang hina­rangan ang Scarborough shoal ng mga Chinese coast guards dahil sa mga maling desisyon ng na­karaang administrasyon.

Matatandaang ini-expose ni dating Senador Juan Ponce Enrile ang maraming “secret meet­ings” ni Trillanes sa China noong 2012.

Hindi isiniwalat ni Trillanes sa  mga kapwa niya Senador ang buod ng mga meeting na ito.

READ MORE:  Bong Go, et al inendoso ni Digong para senador (Sa Filipino community sa HK)

Noon pa lamang ay binalaan ng dating Senate President si Aquino na ito ay magdudulot ng peli­gro sa national security ng bansa.

Kaugnay nito, nanin­digan si Cayetano na ma­raming naging bunga ang seryoso at tahimik na pakikipag-usap sa China ng Duterte administra­tion.

Tinawag din ires­ponsable ni Cayetano ang mga sinabi ni Rep. Gary Alejano at Trillanes tung­kol sa aksiyon ng gobyer­no sa pagbabantay sa West Philippine Sea.

Kinontra ni Defense Secretary Delfin Lorenza­na ang pahayag ni Alejano at Trillanes na hindi na nagpapatrolya sa Scar­borough ang puwersa ng Filipinas. Sa katunayan aniya, tinatrabaho ngayon ng ahensiya ang upgrade sa kapasidad ng militar.

READ MORE:  Matansero grinipohan sa dibdib

“Mayroon tayong mga ebidensiya na tuloy ang patrol sa West Phi­lippine Sea. Hindi totoo na walang protest, ‘yun ang unang kasinungalingan. Hindi totoo na walang patrol. At higit sa lahat hindi totoo na nawala sa atin ang Sandy Cay,” paliwanag ni Cayetano.

Sinabi ng kalihim, dahil sa “fake news” na ipi­napakalat ni Trillanes, lalong hindi mapa­pa­natag ang sambayanan.

HATAW News Team

COMMENTS

About hataw tabloid

Scroll To Top
 

Copyright hatawtabloid.com | All Rights Reserved