Wednesday , November 14 2018
Breaking News
You are here: Home / News / GRP-NDFP peace talks kinansela ni Duterte
GRP-NDFP peace talks kinansela ni Duterte

GRP-NDFP peace talks kinansela ni Duterte

MAILAP pa rin ang minimithing kapayapaan sa bansa matapos iutos ni Pangulong Rodrigo Du­terte na kanselahin muli ang nakatakdang peace talks sa kilusang komu­nista sa 28 Hunyo sa Oslo, Norway.

Ang pasya ay ginawa ni Duterte matapos ang joint AFP-PNP command conference sa Palasyo kamakalawa ng gabi.

Sa biglaang press conference kahapon sa Palasyo, sinabi ni Pre­sidential Adviser on the Peace Process Jesus Du­reza, nais ng Pangulo na makuha muna ng gob­yerno ang pulso ng pu­bliko at pribadong sektor sa isinusulong na usa­pang pangkapa­yapaan sa Communist Party of the Philippines – New Peo­ple’s Army-National Democratic Front of the Philippines (CPP-NPA-NDFP).

READ MORE:  Negosyanteng misis iniligpit ng mister, bayaw

“The government peace panel in co­operation with the private sector will continue on its efforts to “engage” those who earnestly seek peace,” ayon kay Dureza.

“But it is equally im­portant that the stake­holders on the ground must also be equally engaged through consu­ltations to ensure that all those consensus points and agreements forged in  the negotiations table have palpable support from them,” dagdag niya.

READ MORE:  Pahinante tepok driver kritikal sa ‘hijackers’

Sa kabila ng pan­samantalang pagka­ba­lam ng resumption ng peacetalks, tiniyak ni Dureza na matutuloy rin ito kapag nakita na ni­lang may “enabling environment.”

Hindi idinetalye ni Dureza kung anong “enabling and conducive environment” ang hina­nap ng gobyerno para umusad muli ang peace talks sa kilusang komu­nista.

READ MORE:  Foreigner mula sa Middle East positibo sa MERS

Dahil hindi na muna matutuloy ang peace talks, epektibo muli ang lahat ng warrant of arrest laban sa mga lider-komunista na bahagi ng NDFP panel .

Inilinaw  ni Dureza na hindi naman nahinto ang operasyon ng military laban sa NPA kahit may back channeling talks na ginawa, lalo pa at patuloy rin ang pag-atake ng mga rebelde  sa iba’t ibang panig ng bansa.

Noong Pebrero 2017 isinagawa ang huling formal peace talks.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved