Thursday , March 28 2024

Erwin Tulfo, inilinaw na nag-quit siya sa PTV-4 at hindi tinanggal

ISA si Erwin Tulfo sa batikang broadcaster na tinututukan ng marami. Recently ay nagka­ro­on siya ng presscon para sa launching ng Ronda Patrol Alas Pilipinas ng PTV4 at dito’y inilinaw niyang hindi siya tinanggal sa PTV-4.

“Lilinawin ko lang sa inyo at first time lang na maririnig ninyo ito, I wasn’t fired in PTV4, I quit the newscast. I quit iyong programa kong Sa Totoo Lang With The President. I quit para makapag-concentrate ako sa radio at saka rito sa digital media ko po,” pahayag ng isa sa pamosong Tulfo Brothers.

Diin ni Erwin, “No, I wasn’t, maski tanungin ninyo si Secretary Martin Andanar. Actually, si Secretary Martin Andanar who told me huwag ka mag-resign, because after that incident with my brother and sister, e nabubuwisit ako dahil mayroon ho dapat suma­got niyon, (pero) ayaw suma­got. Alam ko ‘yung mga friends ko sa media, they know kung sino ho ‘yung sinasabi kong dapat sumagot diyan.”

Nilinaw din niya na sa ngayon ay wala sa isip niyang pasukin ang politika. Ngunit idinagdag niyang hindi pa niya talaga napag-iisipan nang husto ang bagay na ‘yan.

“I have really no idea kung paano napasok ang pangalan ko sa survey. Sinisisi ko ang nag­sama sa pangalan ko riyan, kung sino ka man, lintik ka na nagsama ng pangalan ko riyan, nagka­le­tse-letse tuloy ang buhay ko. Pati ako napasama sa problema ng mga kapatid ko,” nangingiting pahayag nito.

Patuloy pa niya, “Ayaw kong may masabing sinungaling pala ang hinayupak na ito na sina­sabing period na pero tatakbo rin pala. Darating naman ang pa­nahong makapag-decide na ako at isa pa, ‘di pa ito napag-uu­sapan ng pamilya.”

Ang Ronda Patrol Alas Pilipinas ang unang radio-TV program na mapapanood simul­taneously sa Radyo ng Bayan at PTV-4 tuwing Sabado, 10-11 am. May battlecry na ‘Abot-kamay ang pangarap! Kasosyo mo sa kapayapaan! Asa likod mo kami!’

Kasama sa programa sina Lad Agustin at Loy Oropesa at ang kanilang target ay gawing matitinong mamamayan ang mga Filipino.

Isa sa segment ng programa ay Ang Rainbow Ng Buhay Ko na may kinalaman sa magandang kinabukasan para sa mga tagapakinig sa tulong ng Rainbow Cement Corporation. Ito ay binibigyan-katotohanan ng husband and wife team na sina Matte M. Ureta at Queenie R. Ureta na naniniwala sa kasabihang, “Happiness grows when it is shared.”

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *