Thursday , September 20 2018
Breaking News
You are here: Home / News / Peace talks ikinansela: Duterte patalsikin — Joma Sison
Peace talks ikinansela: Duterte patalsikin — Joma Sison

Peace talks ikinansela: Duterte patalsikin — Joma Sison

NANAWAGAN si Communist Party of the Philippines (CPP) founding chairman Jose Ma. Sison sa lahat ng mga rebolusyonaryo, mga puwersang anti-Duterte at publiko na patatagin at palawakin ang hanay upang mapatalsik si Pangulong Rodrigo Duterte.

Ang pahayag ni Sison ay bilang tugon sa pagkansela ni Duterte sa nakatakdang peace talks sa 28 Hunyo na aniya’y lantarang indikasyon na hindi interesado sa ser­yosong negosasyong pang­kapayapaan.

Ani Sison, wala nang pagpipilian ang mga rebolusyonaryong puwer­sa at mga mamamayan kundi puspusang isulong ang digmang bayan u­pang makamit ang pambansa at panli­pu­nang pagpapalaya sa sambayanang Filipino.

“Because the GRP under Duterte is obvious­ly not  interested in se­rious peace negotiations, the revolutionary forces and the people have no choice but to single mindedly wage people’s war to achieve the nation­al and social liberation  of the Filipino people,” ani Sison sa isang kalatas sa media.

Malinaw aniya na ang pagsibol ng malawak na nagkakaisang prente ng lahat ng puwersang anti-Dutere ay upang isaka­tuparan ang pagpapa­talsik sa kasalukuyang rehimen bunsod ng mga kasalanang “treason, mass murder, drug smuggling, cor­rupt­ion, intolerable tax burden, inflating prices of basic goods and services, rising rate of un­employ­ment, depreciation of the peso, onerous loans and overpriced infrastructure projects” na nagpalala sa pagsasamnatala at pang-aapi sa ating bansa.

Ikinadesmaya ni Sison ang pagtalikod ng gobyerno sa mga nilag-d­aang kasunuduan hinggil sa pagdaraos muli ng formal peace talks sa 28 Hunyo sa Oslo, Norway.

ni ROSE NOVENARIO

COMMENTS

About Rose Novenario

Scroll To Top
 

Copyright hatawtabloid.com | All Rights Reserved