Friday , October 19 2018
Breaking News
You are here: Home / News / Pasay CCP-PCP1 chief sinibak ni Eleazar

Pasay CCP-PCP1 chief sinibak ni Eleazar

MASUSING tinitingnan ni National Capital Region Police Office (NCRPO) chief, Director General Guillermo Eleazar ang tila kahuhubad na saluwal ni Pasay CCP-Police Community Precinct (PCP) 1 commander S/Insp. Allan Estrada na naabutang naka-double lock ang pinto at wala sa kanyang post nitong Lunes ng madaling araw. Agad sinibak sa puwesto at pinagrereport sa opisina sa Camp Bagong Diwa, Taguig ni Eleazar si Estrada. (ERIC JAYSON DREW)

INALIS ni National Capital Region Police Office (NCRPO) director, Chief Supt. Guillermo Eleazar sa puwesto ang hepe ng isang Police Com­munity Precinct (PCP-1) sa Pasay City.

READ MORE:  Pagbasura sa PDAF no epek kay PNoy

Ito ay makaraan ang sorpresang inspeksiyon ng NCRPO chief sa tang­gapan si Chief Inspector Allan Estrada, hepe ng CCP Complex PCP-1 ng Pasay City Police kahapon ng madaling araw, ngunit hindi siya natagpuan sa kanyang tanggapan.

Bandang 1:30 am nang magsimulang mag-ikot sa ilang mga police station at police com­munity precinct (PCP) sa Metro Manila si Eleazar upang personal niyang makita ang kalagayan ng mga pulis at ng mga pasilidad nito dahil sa kasagsagan ng malakas na ulan.

Pagdating ni General Eleazar dakong 2:00 am sa PCP-1 ay nakakan­da­do ang pintuan ng opisina ni Chief Inspector Estra­da.

READ MORE:  ‘Rantso’ inireklamo inmates pinatahimik ng tear gas

Ilang minutong kina­tok ni Eleazar ang silid ni Estrada ngunit wala u­ma­nong sumasagot.

Naka-double lock ang pintuan ng kuwarto at nang malaman bukas ang backdoor nito ay naka­pa­sok si Eleazar at ang ta­nging naabutan ang dala­wang baril sa mesa ha­bang ang mga bala at pi­taka ay nasa kama.

Sinabi ni SPO4 Moises Sto. Tomas, deputy ni Estrada, hindi niya alam kung nasa loob ng kuwar­to ang kanyang hepe.

Sinubukang tawagan ni Sto. Tomas si Estrada sa cellphone ngunit naka­patay ito.

READ MORE:  2 paslit nalitson sa Makati

Agad tinawagan ni Eleazar ang hepe ng Pa­say city police na si Senior Supt. Noel Flores upang ipaalam ang nangyari.

Ilang minuto ang naka­lipas ay dumating si Flores at sinubukan din tawagan sa telepono si Estrada ngunit naka-off pa rin ang cellphone ng huli.

Ayon kay Eleazar, hangga’t gising ang mga naka-duty na pulis ay walang problema kung matulog sa gabi ang mga hepe o PCP commander sa loob ng police station. Wala aniyang problema kung para sa pagha­handa sa trabaho kina­bu­kasan.

Bunsod nito, agad ini­utos ni Eleazar kay Senior Supt. Flores na sibakin sa puwesto si Estrada at pinagre-report sa tang­gapan ng NCRPO.

Inatasan din ni Elea­zar si Flores na magta­laga muna ng officer-in-charge (OIC) sa nasabing presinto habang nagsasa­gawa ng imbestigasyon ukol sa insidente.

Itinalaga bilang of­ficer-in-charge si S/Insp. Oscar Santos sa PCP-1, na dating hepe ng Police Community Precinct (PCP-8).

ni  JAJA GARCIA

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved