Tuesday , June 19 2018
Breaking News
You are here: Home / News / Kaso vs responsable sa NCCC mall fire kasado na — DILG
Kaso vs responsable sa NCCC mall fire kasado na — DILG

Kaso vs responsable sa NCCC mall fire kasado na — DILG

READ: Imbestigasyon sa NCCC matutulad lang sa RWM

MAY rekomendasyon na ang Department of the Interior and Local Govern­ment (DILG) kung sino ang dapat kasuhan sa pagkasunog ng NCCC Mall sa Davao City noong 27 Disyembre 2017.

Kabilang sa mahaha­rap sa kasong kriminal at administratibo ang NCCC management at contractor ng NCCC building, ilang mga opi­syal at tauhan ng Bureau of Fire Protection (BFP), city building officials, at ilang mga opisyal at tauhan ng Philippine Economic Zone Autho­rity.

Ayon kay DILG officer-in-charge Eduardo Año, marami umanong nakitang pagkukulang ang mga imbestigador ng Inter-Agency Anti-Arson Task Force gaya ng dysfunc­tional sprinkler system sa ika-apat na palapag, insufficient means of egress, mga exit door na walang self-closing device, at mga hagdan na hindi fully enclosed.

Habang ayon kay Fire S/Supt. Jerry Candido, tagapagsalita ng task force, nang isinagawa ang renovation sa ikatlong palapag bago pa ang sunog, hindi umano na­su­­nod ng NCCC manage­ment at contractor ang mga protocol na inilatag ng BFP.

Dagdag niya, hindi rin umano nagpaalam sa BFP ang NCCC Mall na magsasagawa ito ng renovation.

Nalaman din sa im­bes­ti­gasyon ang umano’y malpractice sa instal­lation ng electrical wiring sa ikatlong palapag, pag­kuha ng mga trabahante na walang lisensiya, at pagsasagawa ng reno­vation kahit walang building permit.

Ayon sa task force at DILG, handa na silang kasu­han ang mga res­ponsable sa sunog at pag­kamatay ng 38 emple­yado na na-trap sa sunog at hinihintay ngayon ang Department of Justice sa pagsasampa ng mga kaso.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved