Saturday , October 20 2018
Breaking News
You are here: Home / Sports / Standhardinger maaaring ‘di makalaro sa 3×3 World Cup
Standhardinger maaaring ‘di makalaro sa 3×3 World Cup

Standhardinger maaaring ‘di makalaro sa 3×3 World Cup

“THERE’S no guarantee.”

Iyan ang pahayag ng San Miguel prized rookie na si Christian Standhardinger nang tanungin kung makalalaro ba siya para sa Gilas Pilipinas sa nalalapit na 2018 FIBA 3×3 World Cup na magsisimula bukas sa Philippine Arena.

Kasalukuyang nagpapagaling ang 6’8 na si Standhardinger sa kanyang swollen knee injury na naging dahilan ng hindi niya paglalaro sa nakalipas na buong linggo para sa koponang Beermen sa idinaraos na 2018 PBA Commissioner’s Cup.

“I can only say day by day. I hope it doesn’t swell up more. Obviously I’m trying everything in my power to play on Saturday,” dagdag ni Standhardinger sa kanyang sitwasyon na aniya’y ginagawa ang lahat pati ng San Miguel staff upang maging handa siya sa 3×3 World Cup.

READ MORE:  NBA All-Star Game live sa ABS-CBN Sports+Action

Sumailalim na si Standhardinger sa magnetic resonance imaging (MRI) test at wala namang nakitang punit sa kanyang tuhod ngunit nananatiling maga ito na dahilan kaya’t hindi siya nakalalahok sa anomang contact at on-court practices sa SMB gayondin sa Gilas.

READ MORE:  Bornok nagpakita ng gilas sa pagsakay

Sa kabila nito, nangako si Standhardinger na pipilitin ang lahat sa nalalabing araw upang makapaglaro pa rin para sa bansa.

“I’ll do everything in my power to play for Gilas, to play 3×3 and to represent the country,” pagtatapos niya.

Ito ang kauna-unahang pagkakataon na magho-host ang Filipinas ng prestihiyosong 3×3 World Cup kaya’t nagsalang ng malakas na koponan sa pangunguna ni Standhardinger na inianunsiyo ng Samahang Basketbol ng Pilipinas at ng PBA noong nakaraang  buwan.

READ MORE:  Lady Pirates luhod sa Lady Altas

Kasama ni Standhardinger sa misyong maprotektahan ang homecourt ng Filipinas sina Stanley Pringle ng Globalport gayondin sina Roger Pogoy at Troy Rosario ng Talk ‘N Text.

Masusubukan ang kilatis ng Gilas kontra sa Brazil at Mongolia bukas (Sabado) sa simula ng aksiyon sa Pool C.

Magpapahinga ang pambansang koponan sa Linggo bago sumalang ulit sa Lunes kontra naman sa Canada at Russia sa pagtatapos ng kanilang kampanya sa Group Phase.

ni John Bryan Ulanday

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved