Thursday , March 28 2024

Pinoy Pride 44: laban sa Leyte

MISYONG ibangon muli ang pangalan sa mundo ng boksing, pupuntiryahin ni “Prince” Albert Pagara ang WBO Intercontinental Super Bantamweight belt sa kanyang laban sa “Pinoy Pride 44: Laban sa Leyte” sa darating na Sabado (Hunyo 9) sa Maasin City Gym, Maasin City, Leyte.

Mapapanood ang naturang fight card ng ALA Promotions at ABS-CBN Sports sa ABS-CBN S+A at S+A HD sa Linggo (Hunyo 10) sa ganap na 12 nn at may replay sa primetime ng 6 pm. Samantala, mapapanood naman ng SKYcable subscribers ang laban ng LIVE sa Sabado (Hunyo 9) sa SKY Sports Pay-Per-View simula 6 pm.

Haharapin ng nakababatang Pagara (29-1; 20 KOs) si Laryea Gabriel Odoi (20-3-2, 14 KOs) ng Ghana para sa bakanteng trono sa dibisyon. Ito rin ang mismong sinturon na kanyang hinangad nang matalo siya kay Cesar Juarez ng Mexico. Sakaling manalo, maaari na muling habulin ni “Prince” ang kanyang pangarap maging kampeon sa buong mundo.

Hindi lang ang tinuturing na prinsipe ng ALA Pro­motions ang sasabak sa laban sa Sabado (Hunyo 9) dahil aakyat din ng ring ang isa sa mga sinasabing dapat panoorin na batang bok­singero ngayon, si Jeo “Santino” Santisima.

Nais ni Santisima (15-2, 13 KOs) na makilala bilang kampeon sa rehiyon sa kanyang pagharap kay Likit Chane (16-6, 10 KOs) ng Thailand para sa bakanteng WBO Oriental Super­bantam­weight na titulo. Wala pang talo sa kanyang huling anim na laban si Santisima at inaasahan ng lahat na magdidikta sa laban si “Santino.”

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *