Saturday , September 22 2018
Breaking News
You are here: Home / News / Buntis na piskal ng Ombudsman patay sa saksak (Sa harap ng lotto outlet)

Buntis na piskal ng Ombudsman patay sa saksak (Sa harap ng lotto outlet)

PATAY ang lady Ombudsman as­sistance prosecutor na kalaunan ay na­tuklasang buntis, makara­an pagsak­sakin ng hindi kilalang lalaki habang nakatayo sa harapan ng isang lotto outlet sa Quezon City, kahapon ng umaga.

Sa ulat na ipinadala ni Quezon City Police District (QCPD) director, C/Supt. Joselito Esquivel Jr., kay National Capital Region Police Office (NCRPO) director, Chief Supt. Guillermo Lorenzo Eleazar, ang napatay ay kinilalang si Atty. Madon­na Joy I. Ednaco-Tanyag, Assistant Special Prose­cutor ng Office of the Ombudsman, at residente sa Rancho 3, Concepcion 2, Marikina City.

Sa imbestigasyon ng pulisya, dakong 11:20 am, nang maganap ang krimen  sa harapan ng lotto outlet sa 51 Visayas Avenue, Brgy. Vasra, Quezon City.

Nakatayo ang abogada nang lapitan ng suspek at walang habas na pinagsasaksak.

Isinugod sa East Ave­nue Medical Center si Tanyag ngunit idinek­larang dead on arrival dahil sa  mga saksak sa katawan.

Posibleng simpleng panghoholdap ang naga­nap ngunit nanlaban ang biktima na humantong  sa pananaksak ng suspek.

Magugunitang nitong 11 Mayo 2018, tinam­bangan at napatay ng mga armadong kalalaki­han si Quezon City De­puty Prosecutor at Chief Inquest Rogelio Alfiler Velasco, sa Holy Spirit Drive, Brgy. Holy Spirit,  Quezon City.

Patuloy ang isi­na­gawang imbes­tigasyon at pinag-aaralan ang kuha ng CCTV sa lugar para sa posibleng pag­kakaki­lanlan ng suspek.

ni ALMAR DANGUILAN

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved