Friday , March 29 2024

Ayon sa Palasyo: Pinoys ‘di itinuturing na crybabies ni Digong

INIHAYAG ng Malacañang nitong Huwebes na kinikilala umano ni Pangulong Rodrigo Duterte ang nararamdamang pasakit ng mga Filipino sa pagtaas ng mga produktong petrolyo na naka-aapekto sa presyo ng mga bilihin.

Ang pahayag ay ginawa ng Palasyo isang araw makaraan sabihin ni Budget Secretary Benjamin Diokno na hindi dapat maging reklamador at iyakin ang mga Filipin sa pagtaas ng presyo ng mga produktong petrolyo.

“The President does not consider the Filipinos as crybabies,” ayon kay Presidential Spokesperson Harry Roque.

Dagdag ng opisyal, hindi tatalikuran ni Duterte ang milyong-milyong bumoto sa kaniya [Pangulo].

“Kinikilala po ni Presidente na talagang nagkakaroon ng pagsubok dahil sa biglang pagtaas ng presyo ng krudo na nagresulta sa pagtaas [ng presyo] ng mga produkto ng lahat halos ng mga bagay-bagay. At dahil siya ay Presidente na hinalal ng mga maliliit na tao, hindi naman pupuwedeng talikuran ng Presidente iyong mga naghalal sa kaniya,” sabi pa ni Roque.

Nitong Miyerkoles, ipinaalala ni Diokno na mas malalala ang sitwasyon noong panahon ni dating Pangulong Gloria Macapagal Arroyo na umabot umano sa $135 per barrel ang presyo ng krudo. Ngayon ay halos umabot na sa $80 per barrel ang krudo sa world market.

Dahil sa pagtaas ng presyo ng produktong petrolyo, may mga panawagan na suspendehin ang Tax Reform for Acceleration and Inclusion (TRAIN) law, na nagpapataw ng excise tax ng P2.50 per liter sa diesel at P7 sa gasolina.

Ipinaubaya ng Palasyo sa Kongreso ang pasya tungkol sa usapin ngunit nagpa-alala sila sa negatibong epekto sa mga proyekto ng gobyerno kapag sinuspinde ang Train law.

Idinipensa rin ni Duterte ang pangangailan sa tax reform program sa kabila ng pagtaas ng presyo ng mga bilihin.

“Inflation is always there. There are many reasons, but actually, one of them is TRAIN. But I need money also to run the country. If you do not give it, fine,” ani Duterte.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *