Monday , September 24 2018
Breaking News
You are here: Home / Opinion / Mall-based Consular offices pinalawak pa ng DFA
Mall-based Consular offices pinalawak pa ng DFA

Mall-based Consular offices pinalawak pa ng DFA

BILIB tayo sa pagiging innovative ng Department of Foreign Affairs (DFA) para nga makaabot ang kanilang serbisyo sa mga kababayan natin na nasa malalayong probinsiya.

Imbes nga namang magbiyahe pa ang mga kababayan natin mula sa malalayong probinsiya upang kumuha ng passport, inilunsad nila ang mga proyektong maglalapit ng kanilang serbisyo sa publiko.

Kahapon, malugod na inianunsiyo ng DFA ang pagpasok nila sa kasunduan sa SM Prime Holdings at Gaisano Group para sa pagbubukas ng apat pang mall-based consular offices na makatutulong sa pagbibigay ng serbisyo sa publiko.

“We would like to thank SM Prime Holdings and the Gaisano Group for expanding their partnership with us.”

Sinabi ito ni Secretary Alan Peter Cayetano matapos lumagda sa memoranda of agreement kasama ang SM Prime Holdings at Gaisano Malls para sa libreng renta ng consular office sa kanilang mga mall.

“We expect to serve the public better and quicker with the opening of these additional consular offices that would be hosted by our private sector partners at no cost to the government,” masayang pahayag ni Secretary Cayetano.

Ang mga bagong DFA consular office ay matatagpuan sa SM City Dasmariñas, Cavite; SM City San Pablo, Laguna; SM Cherry Foodarama Antipolo, Rizal; at sa Gaisano Mall sa Tagum City.

Ang kasunduang pinirmahan ay Public-Private Partnership agreements sa SM at Gaisano. Kasunod ito ng pagpapasinaya ng mga bagong consular office sa Robinsons Malls sa San Nicolas, Ilocos Norte, Santiago City, Isabela, at Tacloban City sa Leyte.

READ MORE:  Anti-Graft Commission ipapalit sa Ombudsman

Hindi lang ‘yan. Mayroon pang tatlong consular offices ang tinatayang bubuksan sa Malolos City, Bulacan; Paniqui, Tarlac; at sa Ozamiz City o sa Oroquieta City sa Mindanao.

Ipinagmalaki din ni Secretary Cayetano na ang mga bagong consular offices ay mas malaki kaysa mga kasakukuyang nasa mall.

Aniya, “Our new consular offices are bigger than our existing mall-based offices and will have facilities that will promote a more efficient work flow which will contribute towards faster passport application processing.”

Siyempre hindi nakalimutang pasalamatan ni Secretary Cayetano si Presidente Rodrigo “Digong” Duterte sa mga inisyatiba upang maging posible sa DFA na palawakin ang kapasidad nito para magbigay ng serbisyo sa publiko sa ilalim ng pinirmahang Executive Order 45 noong Oktubre 2017 na may layuning magtatag ng mga karagdagang consular offices.

Maging si Foreign Affairs Assistant Secretary for Consular Affairs Frank Cimafranca, ay nagsabing malaking tulong ang pagbubukas ng mga bagong opisina ng DFA para lalong palawakin at palakasin ang kapasidad ng DFA sa pag-iisyu ng pasaporte sa bawat mamamayan.

Sinabi ni Assistant Secretary Cimafranca, bukod sa bagong consular offices ay dinoble rin ng DFA ang bilang ng mga van para sa Passport on Wheels Program, kasama ang Mobile Outreach Services para mas maraming passport applicants ang matulungan hindi lamang sa Metro Manila kundi maging sa mga probinsiya.

Habang ang consular office sa Aseana sa Parañaque ay patuloy ang operasyon, mula Lunes hanggang araw ng Sabado simula pa noong Enero 2018.

READ MORE:  Hindi pa pagod sa katatakbo si Leon Guerrero

“We can be expected to continue our efforts to not only increase our passport production capacity but also make our consular services more accessible to the public,” pagtitiyak ni Assistant Secretary Cimafranca.

Kudos to Secretary Alan and to the rest of our Consular officials.

Sabi ni Budget
Secretary
Benjamin Diokno

HUWAG
KAYONG IYAKIN

“Huwag kayong iyakin sa pagtaas ng presyo ng langis…”

“Ang mahihirap na Filipino ay hindi nagba­bayad ng buwis…”

Sa edad na 70-anyos, ayaw naman nating pagbintangan si Budget Secretary Benjamin Diokno na isa nang ulyanin.

Sabi nga, it’s less becoming of a gentleman, kung nagsasalita nang ganyan sa kapwa.

Pero hindi rin naman natin ma-imagine na sa isang ekonomista at professor na gaya niya na nakapag-aral sa University of the Philippines, Johns Hopkins University at Syracuse University ay maririnig natin ang ganito ka-insensitive na pahayag para sa mahihirap nating kababayan.

Mukhang hindi tinatamaan ng krisis si Mr. Diokno.

Bilang ekonomista, hindi tayo maniniwala na hindi klaro kay Mr. Diokno ang ibig sabihin ng direct at indirect taxes.

Kahit walang regular na trabaho ang ma­hihirap na Filipino o kahit ang pinagkikitaan nila ay pangangalakal o pangangalkal ng basura sa mga dumpsite, bawat pagbili ng kahit anong commodity o serbisyo ay napapatawan sila ng indirect taxes.

Kaya imposible ang sinasabi ni Diokno na ‘yung mahihirap na Filipino ay hindi nagbabayad ng tax.

Mr. Diokno, lahat ng consumer ay napapa­tawan ng tax. Kahit nga patay na at ililibing na lang may tax pa.

READ MORE:  Kim Atienza tinutukan ng baril ng police col. na nanghihiram ng tapang sa baril

Paano mo sasabihing hindi nagbabayad ng tax ang mahihirap na Filipino?!

Ekonomista ka, Mr. Diokno, kaya imposi­bleng hindi mo alam ‘yan.

No wonder, kung bakit hindi mo naiin­tin­dihan na ang bawat Filipino kapag pinagpa­pa­lang mabuti ng gobyerno ay nagiging pro­duktibong mamamayan.

Ikalawa, ekonomista ka, pero parang hindi mo naiintindihan ang ugnayan ng ‘puso’ at ‘pusod’ ng bawat nilalang.

Ang mamamayang may ‘kumakalam na sikmura’ dahil sa kapabayaan o panggigipit mismo ng kanyang pamahalaan ay hindi mo maaasahang maging masaya.

Hindi ba ninyo napag-aralan ‘yan kahit man lang sa isang unibersidad na pinasukan ninyo?

Sabi nga, huwag ka na lang magsalita kung wala rin lang namang sasabihin maganda o makabubuti sa isang malungkot at masakit na sitwasyon.

Kung sabagay, ano ba ang aasahan natin kay Mr. Diokno?

E ‘yung mga kawani at empleyado nga ng Bureau of Immigration (BI) hanggang ngayon ay hindi pa rin natatanggap ang kanilang overtime pay dahil ayaw pakawalan ni Mr. Diokno ang pondo.

‘Yan ay kahit may commitment na si Pangulong Digong sa mga kawani at emple­yado ng BI.

Sabi nga ni Senator Ping, hintayin ninyong magrebolusyon ang mga mamamayang nagu­gutom!

Aba, Mr. Diokno, poverty is a no joke situa­tion!

Mang-insulto ka na ng buwayang walang kabusugan pero huwag ng nag-aalborotong mamamayan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved