Tuesday , November 20 2018
Breaking News
You are here: Home / News / BBL ipinaubaya ng BTC sa Kongreso
BBL ipinaubaya ng BTC sa Kongreso

BBL ipinaubaya ng BTC sa Kongreso

INIHAYAG ng Bangsa­moro Transition Commis­sion (BTC) na kanila nang ipauubaya sa mga mam­babatas ang tuluyang pag-aaproba sa Bangsa­moro Basic Law (BBL), ito ay makaraang mailusot sa pinal na pagbasa ng Kamara at Senado.

Binigyang diin ni Moro Islamic Liberation Front (MILF) vice chair­man for political affairs at expanded BTC head Ghadzali Jaafar, nakita nila ang pagsisikap ng mga mambabatas na nag­sulong ng panukala.

READ MORE:  Pumalag sa halay dalagita kinatay

Nais ng MILF official na mapanatili ng bica­meral conference com­mittee ang ilang orihinal na probisyon na dati na nilang ipinupursigi.

Nananalig sila sa pangako ni Pangulong Rodrigo Duterte na mai­sasama sa SONA sa Hulyo ang BBL bilang ganap na batas, lalo’t personal umano itong sinabi sa kaniya ng punong ehekutibo.

Kasama si Jaafar sa mga nakipagpuyatan sa mga senador sa debate para sa BBL sa kanilang last session day.

READ MORE:  Koreanong wanted inilipat sa Maynila (Natimbog sa Cebu)

Una rito, inabot ng pasado 1:00 am, ang paghimay ng mga sena­dor sa mahigit 100 pa­hina ng panukalang batas.

Ngunit ayon kay Senate Majority Leader Juan Miguel Zubiri, kaya tumagal nang hanggang umaga ang proseso nila ay upang matiyak na maipapasok ang mga kinakailangang pag­babago at matanggal ang mga bahaging maa­aring kuwestyonin sa aspektong legal.

Sa huli, 21-0 ang naging botohan ng mga senador para sa BBL.

READ MORE:  7 minero arestado sa illegal mining sa CamNorte

Wala sa pagdinig si Senador Manny Pac­quiao at ang nakapiit na si Senadora Leila de Lima.

Habang sa Kamara ay 227 mambabatas ang pumabor, 11 ang ku­montra at dalawa ang nag-abstain.

Dahil dito, ihahabol ng bicameral conference committee ang pagsa­sa­ayos ng pinal na ber­si­yong lalagdaan ni Pangulong Rodrigo Duterte, bago ang kaniyang SONA.

(CYNTHIA MARTIN)

COMMENTS

About Cynthia Martin

Scroll To Top
 

Copyright hatawtabloid.com | All Rights Reserved