Wednesday , November 14 2018
Breaking News
You are here: Home / News / Dela Serna Incompetent — PhilHealth WHITE
Dela Serna Incompetent  — PhilHealth WHITE

Dela Serna Incompetent — PhilHealth WHITE

Kaugnay nito, tinu­ligsa ng grupong Phil­Health WHITE ang pre­sidenteng si Dr. Celestina Ma. Jude dela Serna dahil sa hindi makatarungang pagtrato sa kasalu­ku­yang mga empleyado ng na­turang government cor­poration.

Ayon kay Maria Fe Francisco, Interim-Pre­sident ng Philhealth WHITE, hindi lamang posibleng bumagsak ang pananalapi ng korpo­rasyon kundi maaapekto­han din ang serbisyong ipinagkakaloob sa mga pasyente.

Sa pag-upo ni Dela Serna, 18 kawani ang agad na tinanggal nang walang kadahilanan.

Ang nakalulungkot para sa grupo ni Fran­cisco, tila walang puso para sa mamamayang Filipino si Dela  Serna dahil hindi niya binigyang halaga ang dedikasyon ng ilang mga kawani at manggagawa na bahagi ng Team PhilHealth.

READ MORE:  Warays kasado na sa Poe-Chiz (Kompirmado!)

Malungkot ang mga kawani ng PhilHealth sa isinagawang hearing sa komiteng pinamu­munu­an ni Ejercito, dahil hindi natalakay ang tunay na nagaganap sa loob ng PhilHealth.

“Kung may panana­gutan sina dating Health Secretary Janet Garin at dating PhilHealth Presi­dent Alexander Padilla, panagutin sila pero dapat umanong ‘arestohin’ ang pagpapatuloy ni Dela Serna sa bulok na siste­mang iniwan ng mga nauna sa kanya at tila esti­long Mafia na pag­gamit sa pondo at pag­trato sa mga empleyado.

READ MORE:  Ceasefire idedeklara ng CPP

Nanawagan ang PhilHealth WHITE na panahon na para busisiin ang paglulustay ng mga opisyal sa pondong mula sa “dugo at pawis” ng mga empleyado at mang­gagawa ngunit pinagpa­pasasaan ng iilan.

Kaugnay nito muling iminungkahi ni Senador Sonny Angara na pala­wigin pa ang ipinagka­kaloob na benepisyo o serbisyo ng PhilHealth katulad ng free check-ups, laboratory tests at gamot para sa lahat ng Filipino.

READ MORE:  Relief ops inupakan ng UN chief

“The primary care benefit package aims to improve access to out­patient medicines, reduce hospitalization, and improve the health of patients with non-com­municable diseases long before their conditions become catastrophic. Ti­yak na malaki ang mati­tipid ng PhilHealth kung ang lahat ng miyembro nito ay may access sa primary care services,” ani Angara.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved