Categories: Opinion

Walang ‘120 quota’ sa Lung Center

Share

HINDI totoo ang impormasyon na hanggang 120 lamang kada araw ang maipoprosesong request ng mga pasyente na pumipila para sa kanilang ayudang medikal sa Lung Center of the Philippines (LCP) ng Philippine Charity Sweepstakes Office (PCSO) na matatagpuan sa Quezon Avenue, Quezon City. Walang quota kada araw.

Ang totoo, mahigit sa 400 request kada araw ang ipinoproseso at 1:00 ng madaling araw pa lamang ay dagsa na sa pila ang ating mga mamamayan sa LCP.

Nang aking tanungin ang mga kinauukulan sa LCP, kanilang inilinaw na ang sinasabing 120 quota ay siyang uunahin sa pagsisimula ng pagproseso ng mga dokumento o pagbigay ng Guarantee Letter (GL) dahil sila ang hindi umabot sa cut off time nang nakalipas na araw. Kung hindi naman ay ito ang bilang na una nang nakaiskedyul na dapat harapin.

Sa katunayan, tinanggal na rin ang inilagay na karatula dahil kahit sino ay aakalain na quota talaga ang 120.

Nang aking salikskin kung ilang Social Worker ang humaharap sa daang-daang nakapila sa LCP, 10 lamang. Mayroong 3 supervisors, at 3 computer encoders na uploader pa. Dakong 6:30 ng umaga pa lamang ay “at your service” na ang isang supervisor at 7:00 ng umaga hanggang 6:00 ng gabi ang trabaho ng social worker at encoder/uploader. May tig-iisang oras lamang kada empleyado para kumain ng tanghalian at mag-unat-unat para “‘di ma-stroke.”

Sa pitong araw, araw ng Linggo lamang ang panghinga ng LCP.

Kada araw, pumipirma ng tseke hanggang P20 milyon si PCSO General Manager Alexander Balutan para sa libo-libong pasyente na dumudulog ng ayudang pinansiyal para sa kanilang hospital bill, operasyon, pang-dialysis, pang-chemo, at maski para sa wheelchair, hearing aide at kung ano-ano pang swak sa mandato ng charity assistance ng PCSO.

Sa Metro Manila, ang LCP ang awtomatikong pupuntahan ng mga kababayan nating may sakit at para dumulog ng ayudang pinansiyal. Ang pagsasalarawan nga sa araw-araw ay parang ‘sardinas’ ang eksena sa LCP. Sa katunayan, hindi po naka-aircon ang pila pero sapat naman ang electric fan na gumagana.

Talagang nahihirapan pa rin ang LCP na maibsan ang dagsa ng pila ng ating mga kababayan kahit mayroon na tayong mga ASAP (At-Source-Ang-Processing) Desk sa 58 partner-hospitals na karamihan ay nasa Metro Manila pa rin.

Ang listahan ng mga ASAP Desk ay makikita sa www.pcso.gov.ph at sa social media Facebook page ng Office of the General Manager na “Mandirigma Kawanggawa” at ang FB Community page na “Mandirigma sa Kawanggawa” (http://facebook.com/mandirigma83). I-like at i-follow ang mga social media page para laging updated sa PCSO.

Sa mga kababayan natin sa mga probinisya, hindi n’yo na po kailangan pumunta sa LCP dahil sa lugar n’yo ay mayroon nang PCSO Branch Office. Ang listahan ng mga branch office natin ay naka-post din sa nabanggit na website ng PCSO at social media pages nito. Kompleto po ang address, contact number at email ng mga branch office natin.

Bawat branch office natin ay may pondo kada araw para sa Individual Medical Assistance Program o IMAP (Daily IMAP Allocation), dito nanggagagaling ang suportang pinansiyal sa pamamagitan ng GL para sa mga kababayan nating dumudulog ng ayuda araw-araw.

E-mail: fetad@yahoo.com

BAGO ‘TO!
ni Florante Solmerin

COMMENTS
Florante Solmerin

Published by
Florante Solmerin

Recent Posts

Kris, na-inspire kay Ellen DeGeneres

NA-INSPIRE si Kris Aquino sa American TV host na si Ellen Degeneres sa ginagawa nitong pamimigay ng regalo sa 12 days of Christmas Giveaways sa programa… Read More

2 hours ago

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The… Read More

2 hours ago

Vice Ganda tiwala sa kanyang MMFF entry na “Fantastica”

MAS tripleng nakatatawa raw ang MMFF entry ngayong taon ni Vice Ganda na “Fantastica,” produced pa rin siyempre ng Star… Read More

2 hours ago

Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang… Read More

2 hours ago

Filmmaker Direk Reyno Oposa, lalagari sa paggawa ng movie ngayong 2019

NEXT year, 2019 ay mas magiging in-demand si Direk Reyno Oposa sa paggawa ng pelikula at lalong na-inspired ang Toronto… Read More

3 hours ago

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack… Read More

3 hours ago