Categories: Opinion

Sunod-sunod na pagtaas ng presyo ng langis pahirap sa bayan

NAYANIG na naman ang sambayanang Pinoy sa muling pagtaas ng presyo ng produktong petrolyo.

Katataas lang ng presyo ng langis nitong nakaraang dalawang linggo pero habang isinusulat natin ang kolum na ito’y may announcement na itataas na naman ang presyo ng langis kinagabihan.

Paulit-ulit na sinasabi ng Palasyo na walang kinalaman ang Republic Act (RA) 10963 o Tax Reform for Acceleration and Inclusion (TRAIN law) sa pagsirit ng presyo ng mga produktong petrolyo.

Isa lang ang itinuturo nila, ang biglaang pagtaas umano ng presyo ng mga produktong petrolyo sa international market at ang paglakas ng dolyar kontra piso. Ay kawawang piso!

Kaya ibig sabihin niyan, sunod-sunod nang magtataasan ang presyo ng mga pangunahing bilihin na lalong mag­pa­pahirap sa mga kababayan nating hirap na hirap pagdugtungin ang kanilang suweldo para huwag silang sumala sa oras.

Hindi na alam ng mahihirap nating mga kababayan kung anong trabaho pa ang kanilang papasukin para madagdagan ang kanilang kita.

At ‘yun ang kalagayan ng maraming mahihi­rap na Pinoy, wala nang oportunidad, wala pang opsiyon.

Sinabi man ng Palasyo na hindi dapat sisihin ang TRAIN law,  ano naman ang ginagawa nila para proteksiyonan ang mahihirap na Filipino sa walang humpay na pagtaas ng petrolyo?

Kinalampag man ng Palasyo ang mga depar­tamento ng pangangalakal, paggawa at enerhiya, ano naman ang kanilang hakbang para direktang maramdaman ng ‘kumakalam na sikmura’ ng mamamayan na sila ay may konkretong aksiyon para proteksiyonan sa mataas na presyo ng bilihin ang mga mama­mayan.

Papalisin ba ng kanilang mga pahayag at pangako ang nararamdamang kawalang katiyakan ng ating mga kababayan?!

Sabi nga ni Senator Panfilo Lacson, hintayin ninyong magrebolusyon ang mamamayan!

Hay naku, wala bang alam gawin ang mga nasa gobyerno kundi ang magsalita?!

Aba, umaksiyon naman kayo!

E-GATES SISIMULAN NA
SA MGA PALIPARAN

ITONG susunod na buwan ay sisimulan na sa mga airport sa Filipinas ang paggamit ng “e-gates or electronic gates.”

Ito ang sagot ng Bureau of Immigration (BI) sa mahabang pila ng mga pasahero partikular diyan sa NAIA.

Sa isang panayam kay BI OIC-Deputy Commissioner and POD Chief Marc Red Mariñas malaking tulong umano ang e-gates dahil magiging madali para sa mga pasaherong Filipino ang proseso sa kanilang pagdaan sa mga airport.

Kinakailangan lamang i-swipe ng isang pasahero ang kanyang passport, biometrics at facial capturing na aabot sa 12 hanggang 15 segundo.

Aabot umano nang 18 units ang e-gates na inisyal na gagamitin sa mga pangunahing airports partikular sa NAIA terminals 1, 2 and 3, Clark, Davao, Kalibo at mga bagong airport counters sa Cebu.

Dagdag ni Mariñas, pipilitin ng BI na bago matapos ang taon ay magamit sa lahat ng mga paliparan ang bagong sistema.

Inilaan ng pamahalaan ang budget na P340 milyones para sa bagong pasilidad.

Ang nasabing e-gates sa ngayon ay ilalaan muna sa mga Filipino.

Ang mga pasaherong foreigners ay patuloy na daraan sa mga counter ng immigration officers para i-facilitate ang pagpasok at paglabas nila sa bansa.

Kung inyo pong napapansin sa ibang mga bansa, ang kanilang mga local resident ay ganitong sistema na rin ang ginagamit.

Bukod rito, patuloy na nakatutok ang airport immigration supervisors sa mga dumaraang pasahero para sa seguridad ng bansa.

Good job, BI POD!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Mathay, aatras; Willie, tatandem kay Paulate

PINAHIHINTULUTAN ng Comelec ang tinatawag na substitution o pagpalit ng kandidatong nauna nang nag-file ng kanyang certificate of candidacy o…

13 hours ago

3 kandidata ng Miss Earth, pare-pareho ng reklamo

SA umano’y tatlong biktima ng sexual harassment, si Miss Earth Guam lang ang matapang na nagpangalan sa pageant sponsor na…

13 hours ago

Sunshine, open na sa relasyon nila ni Macky Mathay

KAPANSIN-PANSIN na mukhang mas open na ngayon si Sunshine Cruz sa kanyang relasyon sa kanyang inaamin na niyang boyfriend na si Macky Mathay. Karapatan…

13 hours ago

Atty. Falcis, may bagong inaaway

NAG-POST na naman si Atty. Jesus Falcis, siya iyong abogadong nakagalitan ng Korte Suprema noong dumating na hindi tama ang bihis ayon…

13 hours ago

Alessandra, may pauso sa pagpapakalbo?

NATATANDAAN namin, noong araw basta ang isang babae ay pinaparusahan ng kanyang mga magulang, na ang karaniwang dahilan ay “kalandian”,…

13 hours ago

Sa paglamig ng AlDub, popularidad ni Alden, bumaba

UMAMIN na rin si Alden Richards na alam niyang siya ang sinisisi ng marami kung bakit hindi naging totoo ang love team…

13 hours ago