Thursday , March 28 2024

Piskal lagot sa DOJ (Sa leak ng ‘lover’ ni Okada)

IIMBESTIGAHAN ng Department of Justice ang city prosecutor ng Para­ñaque na humahawak sa kasong estafa laban sa Japanese gaming tycoon na si Kazuo Okada dahil sa pagli-leak ng mga resolusyon ng kanyang ‘kabit’ na Koreana.

“I will look into this matter as soon as pos­sible. Premature dis­closure of orders and resolutions prior to official release is not allowed unless there are compel­ling reasons that would sufficiently justify the same,” ani Justice Secre­tary Menardo Guevarra kahapon.

Sinasagot ni Guevarra ang mga ulat na posi­bleng maharap si City Prosecutor Amerhassan Paudac sa kasong admi­nistratibo at kriminal dahil sa ‘bias and gross partiality’ dahil sa pag­lalabas ng mga resolusyon kahit hindi opisyal na inire-release ng  kanyang tanggapan at ito ay nai-post noong May 18 sa Instagram at Facebook account ni Chloe Kim na kilala bilang ‘syota’ ni Okada.

Hiniling ng Tiger Resorts Leisure Entertain­ment Inc., kay Paudac na bumitaw sa kasong estafa na hinahawakan ng kan­yang tanggapan matapos mapag-alaman noong May 21 na walang reso­lusyon na nagbabasura sa nasabing kaso ang naka­handang ma-release.

“As city prosecutor, (he) is expected to mani­fest such degree of im­part­iality, which should not be tainted by scintilla of doubt,” ayon sa TRLEI.

Sa kanyang mga social media account, inilabas ni Kim ang mga retrato ng dispositive at signature na bahagi ng mga naturang resolusyon na nagbabasura sa dala­wang kasong estafa laban kay Okada at iba pang opisyal ng TRLEI na may mga katagang, “Devils will go the hell soon! 2 estafa cases against Ka­zuo Okada of Okada Manila dismissed. Justice prevails.”

Sinabi ng TRLEI na isang malaking iregulari­dad kung paano nagawa ni Kim na hindi naman partido sa kaso na mag­karoon ng kopya ng mga resolusyon kahit pa noong May 18.

Bilang approving au­thority, si Paudac ang huling tagapirma sa resolusyon, ayon sa TRLEI.

”Thus, logic dictates that the resolutions disposing the captioned cases could not have been leaked to respondent Kazuo and/or his close companion without the participation and/or fault of City Prosecutor Paudac,” pahayag ng TRLEI.

Ang TRLEI ang com­plainant sa kasong estafa na nakabinbin ngayon sa Parañaque Prosecutor’s Office na inakusahan si Okada ng pagwawaldas ng mahigit US$10 mil­yong pondo ng naturang kompanya sa pagitan ng early 2016 at June 2017.

TRLEI din ang may-ari at operator ng ma­rang­yang Okada Manila sa Entertainment City, Parañaque na si Okada ang dating chief executive officer bago siya pina­talsik ng karamihan sa shareholders ng nasabing kompanya.

Inakusahan ng TRLEI si Okada ng illegal dis­bursement ng company funds na umaabot sa mahigit US$3 milyon para umano sa kanyang consultancy fees at salaries sa kanyang isang buwang tenure bilang CEO.

Naharap si Okada sa mga kasong kriminal dahil sa paglabag sa Anti-Dummy Law sa DOJ na isinampa ng National Bureau of Investigation (NBI) noong panahon ng nakalipas na adminis­trasyon. Ngunit hindi naresolba ang kaso at napabalitang ibinalik ito sa NBI para muling ma­imbestigahan.

Bukod sa mga kaso na nakasampa sa Filipinas, si Okada ay nahaharap din sa ilang kaso sa South Korea, Hong Kong at Tokyo, Japan. (HNT)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *