Categories: Opinion

Pinakiusapan na nga kayo, ‘di pa kayo naniwala

BINALAAN na nga kayo, ayaw n’yo pang maniwala. E di kulong kayo! Dapat lang! Salot kasi kayo sa Philippine National Police (PNP).

Tinutukoy natin ang dalawang bugok na pulis na nadakip nitong nakaraang linggo ng Rodriguez (Rizal) Police Station dahil sa pagtutulak ng droga sa lalawigan ng Rizal.

Katunayan, nang bigyang babala ni Eleazar ang mga pulis sa Calabarzon region, masasabing isa tayo sa saksing nakarinig sa kanyang babala. Binalaan niya ang mga loko-loko pulis “scalawags.”

Sa kanya tayo bilang suporta sa direktiba ni Police Regional Office IVA Director, Chief Supt. Guillermo Lorenzo T. Eleazar, kaugnay sa paglilinis o “internal cleansing” sa hanay ng pulisya partikular sa PRO na ipinagkatiwala sa opisyal.

Sa talumpati ni Eleazar nitong 24 Abril 2018, sa turnover ceremony sa Camp Vicente, Canlubang, Calamba City (Laguna), isa sa ipinunto ng opisyal, prayoridad niya ang paglilinis sa hanay ng pulisya sa Calabarzon. Sinabihan at binalaan ang mga “hoodlum in uniform” na tumigil na sila sa kanilang mga kalokohan. Hindi kayo maka­pagtatago sa akin, abot-kamay lang kayo sa akin, kaya mas mabuti pa ay magbago na kayo!”  Iyan ang babala ni Eleazar.

Pero, tila minaliit at tinawanan lang ang babala ng opisyal sa pag-aakala ng ilang pulis-Calabarzon na nagbibiro  si Eleazar o hanggang satsat lang ang mama.

Tsk…tsk…tsk…maling-maling pag-aakala dahil hindi nagbibiro ang Heneral. Nasabi nating mali ang pag-aakala at masasabi ko rin, hindi hanggang satsat o papogi si Eleazar, dahil (uli) saksi tayo kung paano panindigan ni Eleazar ang kanyang direktiba o babala laban sa mga salot na pulis.

Nasaksihan natin ito nang maging District Director si Eleazar sa Quezon City Police District (QCPD) sa loob ng isang taon at siyam na buwan. Halos 100 pulis-QC na sangkot sa droga, pangongotong at iba’t iba pang kaso ang kanyang ipinatapon sa kangkungan at kinasuhan. Ilan sa kanila ngayon ay nahaharap sa summary dis­missal habang ang iba ay may mga nasuspende na.

Ang iba naman ay patuloy na binabangungot dahil itinapon sa Mindanao.

At heto nga, sa lalawigan ng Rizal, isa sa area of responsibility (AOR) ng PRO  IV-A, inakala nina PO1 Ivan Henrick Ramos Tavas at PO2 Benjo Villanueva Sionilo, na papogi lang ang babala ni Eleazar.

Hayun, ang ‘inakala’ ang naging mitsa ng pagkakaaresto sa dalawa – dinakip sina Tavas at Sionilo sa ikinasang buy-bust operation ng Rodriguez Police Station nitong 25 Mayo 2018 matapos bentahan ng shabu ang mga operatiba.

Hindi man malaking halaga ng shabu ang nakompiska sa dalawang pulis, sapat na ito para matuldukan ang katarantadohan nila.

Sa impormasyon na nakarating kay Eleazar, ikinatuwa ng pamahalaan ng San Mateo at Rodriguez ang pagkakadakip sa dalawang pulis.

Bagamat AWOL ang dalawang pulis, pero patuloy sa pagtatago sa tsapa at uniporme, para maikonsiderang aktibo sila hanggang wala pang kautusang sibak na sila sa pagkapulis ngunit sa pagkakahuli ng dalawa, ani Eleazar, hindi lamang kulong ang magiging parusa nila kundi, malamang tanggal na sila sa pagkapulis.

“Tapos na tayo sa pakiusapan. We may have programs on the reformation of our personnel through our internal cleansing program but when the situation dictates, we have to do the right actions to stop these nefarious acts,” pahayag ng Regional Director.

Kaya sa mga patuloy na gumagawa ng kalokohan at nagtatago sa kanilang tsapa at uniporme, ano man ang pagkukubling gawin ninyo, abot-kamay kayo ng kampanya ni Eleazar sampu ng matitinong opisyal at tauhan ng Calarbarzon.

Ops, baka makalimutan natin. Ating sina­saludohan ang Rodriguez Police na pinamu­munuan ni Supt. Pablito R. Nangnan, sa pagka­kaaresto sa dalawang pusher na pulis.

AKSYON AGAD
ni Almar Danguilan

COMMENTS
Almar Danguilan

Share
Published by
Almar Danguilan

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

21 hours ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

21 hours ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

21 hours ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

21 hours ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

22 hours ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

22 hours ago