Categories: News

Hirit ng Palasyo: 7-buwan higpit-sinturon sa TRAIN

NANAWAGAN ang Palasyo sa publiko na habaan ang pasensiya at magtiis sa matinding dagok sa buhay ni Juan dela Cruz sa implemen­tasyon ng Tax Reform Acceleration and Inclusion (TRAIN) Law.

Sinabi ni Presidential Spokesman Harry Roque, nasa Kongreso ang bola para gumawa ng panibagong batas na sususpende sa TRAIN law.

Hindi aniya uubra ang isang executive order para ipatigil ang pag-iral ng TRAIN law .

“Nasa Kongreso po iyan. Kung talagang mag­kakaroon po ng batas, susunod po tayo na hindi natin kokolektahin iyan; pero ang pakiusap lang po, hindi naman po per­ma­nente itong nangya­yaring krisis,” aniya sa press briefing sa Palasyo kahapon.

Aminado si Roque na lubhang nakababahala ang nararanasang krisis ngayon dahil sa sunod-sunod na pagtaas ng presyo ng produktong petrolyo.

“Talaga naman pong krisis, nakaaabala ang pagtaas ng presyo, dahil mahigit 200% ang itinaas ng presyo at hindi natin iyan talaga inaasahan, dahil medyo stable na­man iyong presyo ng krudo ‘no,” dagdag ni Roque.

Para sa Department of Finance (DOF), pitong buwan pang magtitiis ang mga pangkaraniwang mamamayan sa walang habas na pagtaas ng presyo dahil ang second tranche ng TRAIN Law sa Enero 2019 ang gusto nilang ipasuspende ka­pag umabot na sa 80 dol­yar ang presyo ng langis kada bariles sa world market.

Nagdaraos ng Black Friday protest ang mga organisasyon mula sa Stop TRAIN Coalition kasabay nang paggulong ng online petition para hilingin ang pagtigil sa implementasyon ng kontrobersiyal na batas.

(ROSE NOVENARIO)

 

 

COMMENTS
Rose Novenario

Share
Published by
Rose Novenario

Recent Posts

GRO ‘di natikman videoke bar niratrat 4 patay (Sa Cagayan)

APAT katao ang patay makaraan pag­babarilin ng mga suspek ang isang videoke bar nang hindi pumayag na makipagtalik sa kanila…

7 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

8 hours ago

51 container vans ng basura mula sa South Korea itinambak sa PH?

HETO na naman, sanrekwang basura na naman ang dumating sa bansa sa pamamagitan ng mga container port. Kung dati ay…

8 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

16 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

16 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

16 hours ago