Thursday , June 21 2018
Breaking News
You are here: Home / Showbiz / Arnel, mas naging karespe-respeto sa bagong imahe
Arnel, mas naging karespe-respeto sa bagong imahe

Arnel, mas naging karespe-respeto sa bagong imahe

‘DI tulad ng dati, mas ramdam namin  ngayon ang pagiging nasa panunungkulan ni OWWA deputy administrator na si Arnel Ignacio.

Kilalang supporter ni Digong Duterte noong nangangampanya pa ito sa pagka-Pangulo, unang itinalaga ang TV host-comedian sa isang departamento sa Pagcor na namamahala sa mga serbisyong ipinagkakaloob sa mga komunidad sa bansa.

Bagama’t nagampanan naman ni Arnel ang kanyang trabaho, mas napansin ang kanyang pamamalakad sa ahensiyang may kinalaman sa mga kapakanan ng ating mga OFW. Nagkataon din kasing napasabay si Arnel sa mga isyu kamakailan lalong-lalo na ng mga naka-deploy sa Kuwait.

Sa mga recent interview kay Arnel, kapansin-pansin ang malawak niyang kaalaman para i-address ang mga karaniwang problemang kinakaharap ng mga kababayan nating nagtatrabaho sa iba’t ibang bansa.

Although hindi naman orihinal na idea ni Arnel ang tinatawag nilang “immersion” bilang pagsasanay sa uri ng pamumuhay abroad, maganda ang ginagawa niyang pagpapalaganap nito.

Malayong-malayo rin sa kanyang imahe noon bilang showbiz celebrity ang hitsura ngayon ni Arnel, dagdag puntos ‘ika nga para magmukhang credible sa mga adhikain ng gobyerno.

New look ang inirarampa ngayon ni Arnel in terms of hairstyle. Hairstyle, ‘ika nga n’yo?

Alam ng lahat na may negosyong hairpiece o mga wig si Arnel, himself na pinagtampuhan ng ‘ika nga’y crowning glory.

Hindi namin tiyak kung peluka ‘yon na isinalpak sa kanyang ulo o natural na buhok na tumubo sa kanya na dapat niyang ipagpasalamat sa mga hair-growing chemicals, but one thing’s for sure, nakaka-enhance ‘yon ng kanyang image bilang isang karespe-respetong tauhan ng pamahalaan.

Goodbye to his cheap showbiz image.

HOT, AW!
ni Ronnie Carrasco III

COMMENTS

About Ronnie Carrasco III

Scroll To Top
 

Copyright © 2009 - 2017 hatawtabloid.com | All Rights Reserved