Tuesday , January 22 2019
Breaking News
You are here: Home / News / 14-anyos binatilyo nagsaksak sa sarili (Baby ayaw ipakita ng GF)
14-anyos binatilyo nagsaksak sa sarili (Baby ayaw ipakita ng GF)

14-anyos binatilyo nagsaksak sa sarili (Baby ayaw ipakita ng GF)

KRITIKAL ang kalagayan ng isang 14-anyos binatilyo maka­raan magsaksak sa kanyang sarili nang tumanggi ang 16-anyos karelasyon na ipakita sa kanya ang kanilang anak na sanggol sa Valenzuela City, kamakalawa ng hapon.

Inoobserbahan sa Valen­zuela City Medical Center sanhi ng saksak sa tiyan si Emmanuel Perez, out-of-school youth, residente sa Northville 1, Brgy. Bignay.

Sa imbestigasyon ni PO3 Maria Luisa Cassandra Pobadora ng Valenzuela Police Women and Children’s Protection Desk, dakong 3:00 pm nang umuwi sa kanilang bahay sa  3rd St., Brgy. Marulas ang saksing si Jervy Hernandez nang makita ang binatilyo na nakahandusay sa sahig hawak ang kutsilyo at may sugat sa kanyang tiyan.

Agad humingi ng tulong si Hernandez sa mga pulis na nagsasagawa ng visibility patrol malapit sa naturang lugar at mabilis na isinugod ang biktima sa Calalang Hospital ngunit tinanggihan kaya inilipat sa VCMC hospital.

Ayon sa ulat, nagsaksak sa kanyang sarili ang biktima nang tumanggi ang kanyang 16-anyos karelasyon na ipakita sa kanya ang bagong silang na sanggol na kanilang anak.

Sinabi ng saksi, dakong 2:30 pm kamakalawa ay nag-post sa kanyang facebook account ang biktima at sinabing magpapa­kamatay siya ngunit hindi binanggit kung ano ang dahilan.

(ROMMEL SALES)

COMMENTS

About Rommel Sales

Scroll To Top