Tuesday , March 19 2024

Banta ni Karla sa bashers: aabangan ko sila sa mga bahay nila

BAGO gawin ni Karla Estrada ang pangarap niyang pelikulang BarnaPinay Superhero na spoof sa Darna ni Angel Locsin na gagawin na ngayon ni Liza Soberano ay uunahin muna niyang gawin ang Familia BlandINA.

May patikim naman si Barna dahil kasama siya sa Vice Ganda na Gandarrappido: The Revenger Squad bilang si Peppa/Barna.

Kuwento ni Karla nang makatsikahan namin sa set visit ng Familia BlandINA”hindi pa this year dahil kasi siyempre dapat maunang ipalabas ang movie ni Liza bilang si ‘Darna.’ Kasi siyempre may mga spoof si Barna, ‘di ba? Kaya hindi ako puwedeng mauna. Si ‘Darna’ muna, so mga 2019 pa.”

Samantala, nagkuwento si Karla tungkol sa bashers na lumalait pa rin sa mga artista lalo na sa KathNiel na hindi pa rin tumitigil.

“Ang bashers ng KathNiel ay bashers ko rin. Alam n’yo hindi kasi talaga ako nakikipag-away dito (cellphone) kasi gusto ko talaga hanapin ‘yung bahay (bashers) tapos abangan sila sa labas ng bahay. Kilala naman ako ‘di ba, noong araw pa gusto ko harapan tayo.

”Actually, ‘yung mga bastos na talaga. ‘Yung ginagawan mo na ng picture si Daniel na hawak ‘yung…alam n’yo na, mga ganoong kababuyan. ‘Yung nag-e-effort talaga na gumawa ng ganoon tapos ipino-post.

“But nothing against sa mga kaibigan nating mga bakla ha, pero alam mo kinukutya rin nila ang mga bading sa mga ginagawa nila. So, nakakabwisit hindi lang kay Daniel pati na rin sa mga kaibigan kong gay, kasi masakit din ‘yun eh. Ginagawa nilang katatawanan. Bastusan na.

“Kaya pag ganoon hinahanap ko talaga (netizen). Kadalasan naman naka-private eh. Itlog (profile) lang ‘yung kaaway mo. Wala man lang picture. Eh, minsan may mga malalakas ang loob na talagang nagpapakita.

“Kapag ganoon, nagpi-PM (private message) ako, ‘magkita na lang tayo o ‘di kaya pumunta ka rito, ikaw pumunta rito sa bahay kung ayaw mong malaman ko ang bahay mo.’Yung mga ganoon. Action star din naman ang mother. Tapos biglang nagpa-private. Nagtatago agad sa saya ng nanay niya,” kuweto ni Karla.

Going back to Familia BlandINA ay kasama ni Karla sina Jobert Austria, Marco Gallo, Xia Vigor, Marissa Delgado, Buboy Garovillo, at Twinkel na idinidirehe ni Jerry Lopez Sineneng mula sa Arctic Sky Productions at Star Cinema.

Bakit Familia BlandINA ang titulo, ”kasi lahat ng mga anak ko blonde kasi ako nakapag-asawa ng puti, tapos si Jobert asawa niya puti rin. Pareho kaming namatayan ng asawa tapos naging kami, ‘yung mga anak namin puro blonde na pinauwi namin dito sa Pinas, hayun, riot na kasi hindi sila sanay sa buhay probinsiya dahil walang wifi at kung ano-ano pa.”

FACT SHEET
ni Reggee Bonoan

About Reggee Bonoan

Check Also

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Leave a Reply

Your email address will not be published. Required fields are marked *