Friday , March 29 2024

Iloilo at Cavite, bukas na sa aplikasyon ng STL

MULING ibinukas ng Philippine Charity Sweepstakes Office (PCSO) ang mga probinsiya ng Iloilo (hindi kasama ang Iloilo City) at Cavite para sa panibagong aplikasyon ng Small Town Lottery o STL makaraang tsugihin ang mga Authorized Agent Corporation (AAC) dahil sa mga paglabag sa Implementing Rules and Regulations (IRR).

Para sa kaalaman ng publiko, isang ACC lamang ang puwedeng maglaro sa isang probinsiya at isang Chartered City. Kapag dalawa ang AAC na naglalaro ng STL sa bawat lugar, malamang ilegal ang isa, o puwede namang ilegal pareho kung wala pang idininedeklarang awtorisadong AAC sa lugar.

Simple ang rason kung bakit tsugi ang isang AAC sa lugar, dahil malamang may mga nagawa itong paglabag sa STL-IRR gaya ng hindi pagsusumite ng tamang Presumptive Monthly Retail Receipts (PMRR) o ingreso (revenue collection); paggamit ng STL bilang front ng ilegal na sugal gaya ng jueteng at iba pa; simpleng hindi pagsunod sa ‘di pagsuot ng tamang uniporme at identification card habang nasa trabaho; pagpapataya sa mga menor de edad; at iba pang kaugnay na paglabag.

Dahil nagiging “lucrative business” na ang STL, parami nang parami ang naghahangad na makakuha ng awtorisasyon mula sa PCSO. Ang lahat ng mga aplikante ay dumaraan sa proseso hanggang sa dumating silang lahat sa harap ng mesa sa pamamagitan ng public bidding. Siyempre, kung ang isang korporasyon na naghahangad maging STL agent kahit highest bidder pero matutuklasan na may criminal record, kahit isa lamang sa miyembro ay tiyak na matutsugi.

Siyanga pala, pumalo na sa P20.8 bilyon ang kinita ng PCSO mula Enero hanggang Abril mula sa mga lottery game nitong Lotto, Digit Games, Keno, Sweepstakes at siyempre, ang umaarangkadang STL. Sa kabuuang kinita, halos P8 bilyon ang kontribusyon ng STL.

Ang sabi nga ni PCSO General Manager Alexander Balutan, kung magpapatuloy ang ganitong ipinapakitang interes, pagtitiwala at pagtangkilik ng gaming public, konserbatibo na ang halagang P55 bilyon na kikitain ng ahensiya sa taong ito. Baka nga lagpas P60 bilyon pa.

Nagsimulang umarangkada ang STL noong huling yugto ng 2016 pag-upo ni Balutan bilang general manager ng PCSO. Dinamihan ang bilang ng AAC mula 18 at naging 37 sa pagtatapos ng taon. Ang dating P4.7 bilyon kada taon na kinikita ng STL sa dalawang nakaraang administrasyon, naging P6.7 bilyon sa pagtatapos ng 2016.

Mas dumami ang AAC pagpasok ng 2017 na umabot hanggang 84 ang aktibong naglaro ng STL at tumabo nang halos P16 bilyon sa pagtatapos ng taon.

Sa kasalukuyan, 81 AAC ang aktibong naglalaro ng STL sa buong bansa at may mga bukas pang probinsiya at Chartered City na dapat malagyan ng STL.

BAGO ‘TO!
ni Florante Solmerin

About Florante Solmerin

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *