Tuesday , March 19 2024

KARLA ibinuking: Daniel at Kathryn, pinag-uusapan na ang kasal

NOONG Sabado’y isa kami sa nakasama para sa set visit ng shooting ng pelikulang ginagawa at pagbibidahan ni Karla Estrada, ang Familia BlandINA sa Plaridel, Bulacan handog ng Artic Sky Production at pinamamahalaan ni Direk Jerry Lopez Sineneng.
Sa pakikipag-usap namin kay Karla, walang kaabog-abog na nasabi nitong pinag-uusapan na nina Daniel Padilla at Kathryn Bernardo ang ukol sa kasal.
Bale ba, gagampanan ni Karla sa Familia BlandINA ang isang inang may mga anak na blonde na haharap sa iba’t ibang hamon ng buhay.  Makakasama niya rito si Jobert Austria (bilang pangalawa niyang asawa), at mga anak na sina Marco Gallo, Xia Vigor, gayundin sina Marissa Delgado, Buboy Garovillo at marami pang iba.
Ani Karla, nakatatawa ang pelikula ngunit kukurot sa puso ng bawat indibidwal dahil sa madramang tagpo lalo na sa mga nanay na handang isakripisyo lahat para sa kanilang mga anak.
Naikuwento rin ni ng tinaguriang Queen Mother na may special appearance sina Daniel at Kathryn. Roon niya ibinuking na sa tagpong iyon pinag-usapan nina Daniel at Kathryn ang ukol sa kasalan kaya naman tiyak na marami ang matutuwa.
Ang Familia BlandINA ang next movie project ni Karla matapos ang matagumpay na 2017 Metro Manila Film Festival entry, The Revengers nina Vice Ganda, Daniel, at Pia Wurtzbach.
Naikuwento pa ni Karla na malaki ang pasasalamat niya kay direk Jerry dahil siya ang only at first choice sa pelikula. Bale ang Familia BlandINA ay konsepto ng prodyuser nitong si Dr. Dennis Aguiree, isang Opthalmologist at nagmamay-ari ng Arctic Sky Productions.
Samantala, naihayag naman ni Direk Jerry na halos kalahati na ang nakunan nila na tamang-tama at posibleng maihabol ang showing bago magpasukan sa Hunyo.

About Maricris Valdez Nicasio

Check Also

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Rio Locsin Ruru Madrid

Rio sa wagas na paghagulgol — ‘di ako makabitaw sa napakataas na emosyon

RATED Rni Rommel Gonzales NAGBIGAY ng paglilinaw si Rio Locsin tungkol sa nag-viral niyang video na wagas …

Jeric Gonzales Rabiya Mateo

Rabiya handang ipaglaban si Jeric, deadma sa mga negang balita

MA at PAni Rommel Placente KUNG ang ibang showbiz couples ay inaalam ang password ng …

Leave a Reply

Your email address will not be published. Required fields are marked *