Friday , March 29 2024
Bulabugin ni Jerry Yap
Bulabugin ni Jerry Yap

E bakit nga ba nag-resign si PCOO ex-Usec Noel Puyat?

MEDYO nagulat tayo nitong nakaraang weekend nang may magpadala ng mensahe sa private messenger ng inyong lingkod kaugnay ng news article na inilabas ng Philippine News Agency sa kanilang online edition na may ganitong titulo: Hataw ‘P647.1-M’ report malicious, fake (May 11, 2018, 6:14 pm).     

“Malisyoso na peke pa!?” 

Wattafak! 

Mukhang kami ang dapat na magsalita niyan, hindi kayo, resigned PCOO undersecretary Noel Puyat. 

Sabi nga ninyo, ang PCOO management ay may  commitment sa transparency and accountability. 

E bakit sa isang istorya lang ng resignasyon ninyo ay parang ‘kinabahan’ at nanginig na kayo, para bansagan ang HATAW na malisyoso at fake ang news?! 

E hindi pa nga nagaganap ang Asean, ilang news stories na ang naglabasan na kinukuwestiyon ang napakalaking budget na inilaan dito ng Duterte administrasyon.  

Heto po, paki-br0wse lang po ang mga links na ‘yan para malaman ninyo kung ano ang ginagawa ng mga staff ninyo. 

1) https://www.msn.com/en-ph/news/national/inside-the-p15-billion-asean-hosting-budget/ar-BBF4Ka7 

2) https://www.pressreader.com/philippines/the-philippine-star/20170225/282059096773415 

3) http://cmfr-phil.org/media-ethics-responsibility/journalism-review/asean-summit-2017-bloated-budget/ 

Ayon sa nasabing mga balita, hindi naman ito ang unang regional meeting na ini-host ng Filipinas — ang katotohanan — ito ang ‘most expensive.’ 

Sinabing umabot sa P15.5 bilyon ang inilaan ng gobyerno para sa semi-annual summit, at iba pang aktibidad na related sa ASEAN’s 50th anniversary.  

Napuna ng The Philippine Star na ang budget allocated para sa summit ay malaki nang P10 bilyon kompara sa pagho-host ng Asia-Pacific Economic Cooperation (APEC) summit noong 2015. Ang APEC umano ay may 21 member countries, habang ang ASEAN ay 10 lamang.  

O ‘yan bang mga naglabasang balita na ‘yan ay tinawag ninyong malisyoso at fake news? 

Bukod diyan, bakit kung kailan sinabi ng Pangulo na mag-resign na ang mga opisyal ng gobyero na sabit sa korupsiyon e agad ninyong sinundan ng pagbibitiw?! 

May na-hurt ba sa feeling ninyo resigned undersecretary Puyat?! 

Bitter ba kayo?! 

Hanggang ngayon, paulit-ulit na binabasa ng inyong lingkod ang news na lumabas sa HATAW, wala kaming makitang dahilan para tawagin ninyong fake o malisyoso ang news story.                                

Kung may nasaling man sa ‘pride’ ninyo, palagay natin ay mayroon pa kayong hanggang 30 Mayo para magpadala ng eksplanasyon sa HATAW Diyaryo ng Bayan. 

Mabasa man lang ng publiko ang rason ninyo Mr. Puyat, bago kayo mag-resign nang tuluyan — hindi ‘yung basta na lang kayo nagbububusa na fake at malicious news pero wala man lang kayong inilatag na basehan. 

By the way, fake ba, Mr. Puyat na ikaw ay nagsilbing chairman ng ASEAN 2017 Committee on Media Affairs and Strategic Communications (CMASC) na pinaglaanan ng pondong P647.11 milyon?! 

Fake news din ba na hinahanap ng COA ang mga kaukulang dokumento, gaya ng memorandum of agreement upang mabigyang katuwiran ang malaking ginastos sa pagdaraos ng ilang aktibidad at pananatili ng mga opisyal at ilang kawani ng PCOO sa isang six-star hotel noong nakalipas na taon?! 

Bukas po ang kolum na ito ng Bulabugin para sa inyong kasagutan, resigned undersecretary Puyat.  

Hihintayin po namin ang liham ninyo… 

 

MAHIGPIT NA PAALALA  
SA MGA BOTANTE 

NGAYONG araw ay huhugos tayong lahat sa mga nakatakdang poll precinct na naroroon ang mga pangalan natin para iboto ang Barangay officials at Sangguniang Kabataan. 

Paalala lang po — kinabukasan ng bawat barangay  ninyo ang nakasalalay sa eleksiyong ito — lagyan po ninyo ng konsensiya ang inyong boto. 

Dapat ay alam ninyo kung ang mga iboboto ninyo ay hindi sangkot sa kahit anong uri ng kailegalan, lalo na sa ilegal na droga. 

Kapitbahay o kalugar ninyo sila, kaya kayo ang higit na nakakikilala sa kanila. 

Sa Barangay South Signal Village sa Taguig City, isang text ang natanggap natin, isang retired gov’t official ang sangkot umano sa ilegal na droga na ngayon ay tumatakbong cabeza de barangay. 

Kilala ba ninyo mga suking taga-Signal diyan sa Taguig kung sino siya?! 

Aba kung sangkot sa ilegal na droga, kayo lang mismo ang puwedeng pumutol sa pamamagitan ng pagbasura sa kanyang kandidatura?! 

Kilos lang ninyo ang puwedeng maglantad ng katotohanan na bistado na ninyong sangkot sila sa ilegal na gawain. 

Kung gusto ninyo ng payapang komunidad, ibasura ang mga ilegalista! 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *