Monday , August 20 2018
Breaking News
You are here: Home / Opinion / Dagdag budget solusyon ni Bato sa maayos na Bilibid
Dagdag budget solusyon ni Bato sa maayos na Bilibid

Dagdag budget solusyon ni Bato sa maayos na Bilibid

MALAKAS ang loob na sinabi ni newly appointed Bureau of Corrections (BuCor) chief Ronald “Bato” dela Rosa na dagdag budget ang kailangan para maisaayos ang New Bilibid Prison (NBP).

Dalawang araw pa lang daw siya sa Bilibid at wala pa siyang nakikitang solusyon kundi pawang problema.

“In my two days na stay sa BuCor, wala pa akong nakikitang solusyon, ang nakikita ko puro problema,” sagot niya sa isang panayam.

“Isa lang ang pinakamalaking solusyon dito: pera, budget…” pahayag ng bagong BuCor chief.

Gusto ng dagdag na budget ni Chief Bato para raw dagdagan ang sahod ng prison guards.

Naniniwala siguro si Chief Bato na kapag nadagdagan ang suweldo ng mga prison guard e hindi na sila papatol sa mga ilegalistang nambubuyo sa kanila.

READ MORE:  Katarungan sa SAF44

Gusto rin daw niyang maipagawa na ang P50.2- bilyong mega prison facility sa Nueva Ecija para maresolba ang nagsisiksikang preso sa Bilibid.

Sa huling tala nitong Hunyo 2017, ang Bilibid ay may 24,780 preso, higit sa kalahti ng kapasidad nitong 10,082.

Bukod diyan nasisilip din ni Chief Bato ang isang “security nightmare.” Ang pagiging malapit ng Bilibid sa public access road at sa residential area na pader lang ang pagitan sa maximum security compound.

“Naglalakad ‘yung tao roon, pa-simple lang, [hinahagis] ‘yung black sack [papunta sa loob ng maximum security compound] — may lamang cellphone, sigarilyo, mga contraband,” ani Chief Bato.

READ MORE:  Sec. Bong Go, a true public servant

Madiin din ang pangako ng dating PNP chief na nais niyang wakasan ang drug trade sa loob ng Bilibid.

Sa loob ng dalawang araw ay nakita lahat ‘yan ni Chief Bato pero hindi niya nabusisi ang ‘catering’ na matagal nang sinisindikato at inirereklamo.

Sa totoo lang, ‘yan ang dapat niyang busisiin dahil marami nang yumaman diyan habang nagdidildil sa paulit-ulit na ulam ang mga preso.

Marami ngang preso riyan, ayaw nang patulan ang pagkain na inirarasyon ng catering at nagluluto na lang sila-sila o kaya nagpapaluto sa mga ‘dalaw’ nila na umupa na ng bahay sa labas ng Bilibid.

READ MORE:  Garin dapat magbitiw

BuCor Chief Bato Sir, subukan n’yong i-surprise inspection ang catering para matuk­lasan ninyo kung ano ang uri ng pagkain ng mga preso mula sa milyon-milyong budget na inilalaan ng pamahalaan.

Kung mapapakain nang tama at masus­tansiya ang mga preso, baka tumagos sa puso at isip nila ang sustansiya at baka roon din magsimula ang katahimikan, kaayusan at kapayapaan sa loob ng Bilibid.

Ano sa palagay ninyo BuCor chief, Sir Gen. Bato?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved