Wednesday , May 23 2018
Breaking News
You are here: Home / News / Usec ng PCOO nag-resign (P647.11 milyon hinahanap ng COA)
Usec ng PCOO nag-resign (P647.11 milyon hinahanap ng COA)

Usec ng PCOO nag-resign (P647.11 milyon hinahanap ng COA)

NAGBITIW si Noel Puyat bilang undersecretary for finance ng Presidential Communications Operations Office (PCOO).

Nabatid sa source, hanggang 30 Mayo na lamang ang panunungkulan ni Puyat sa PCOO.

Si Puyat ay nagsilbi rin chairman ng ASEAN 2017 Committee on Media Affairs and Strategic Communications (CMASC) na pinaglaanan ng pondong P647.11 milyon.

Anang source, napuna umano ng Commission on Audit (COA) ang inilunsad na information caravan ng CMASC sa iba’t ibang panig ng bansa bunsod nang pagiging chairman ng 50th ASEAN ang Filipinas noong nakalipas na taon.

Ayon umano sa COA, trabaho ng mga lokal na information officers ang maglako ng mga balita hinggil sa ASEAN at hindi kailangan ang pinagkagastusang caravan na ginawa ng CMASC.

Napag-alaman sa source, hinahanap din umano ng COA ang mga kaukulang dokumento, gaya ng memorandum of agreement upang mabigyang katuwiran ang malaking ginastos sa pagdaraos ng ilang aktibidad at pananatili ng mga opisyal at ilang kawani ng PCOO sa isang six-star hotel noong nakalipas na taon.

Si Puyat ang ikalawang opisyal ng PCOO na nag-resign sa loob ng nakalipas na tatlong linggo, nauna si assistant secretary for administration Kissinger Reyes.

Tikom ang bibig ng PCOO sa resignation nina Puyat at Reyes.

(ROSE NOVENARIO)

COMMENTS

About Rose Novenario

Scroll To Top
 

Copyright © 2009 - 2017 hatawtabloid.com | All Rights Reserved