Friday , March 29 2024

Jodi at Richard, may kilig pa rin

NAKATUTUWANG katsikahan ang mga kilala naming sumusubaybay sa programang Sana Dalawa Ang Puso nina Jodi Sta. Maria (Mona), Richard Yap (Martin), at Robin Padilla (Leo) na nasa iba’t ibang panig ng mundo dahil hindi pala nila pinalalampas ito at puwede pa nilang ulit-ulitin.

Sa umereng episode ng Sana Dalawa Ang Puso nitong Biyernes ay ipinakitang ikakasal si Mona kay Martin na inakalang siya si Lisa.

Dahil ang tunay na Lisa ay kasama ni Leo sa malayong probinsiya na roon sila nagtatago.

May kilig pa rin sina Jodi at Richard sabi sa amin kaya naman sa eksenang ikakasal sila bilang sina Mona/Lisa at Martin ay naalala nila ang unang kasal ng dalawa sa programang Be Careful with my Heart bilang sina Ser Chief at Maya.

Ang maganda pa sa mga supporter nina Jodi at Richard ay okay lang sa kanila na hindi sila magkatuluyan dahil may kanya-kanya naman silang partner sa buhay, “okay na kami na sa TV at pelikula silang magkasama. Cute kasi at sobrang bagay sila talaga. Sayang nga, eh, huli na sila nagkakilala pareho na silang may pamilya.”

Going back to Sana Dalawa Ang Puso ay nagsisimula ng magmartsa si Mona bilang si Lisa sa paniniwala ni Martin patungo ng simbahan kaya ang tanong ng lahat, matutuloy ba o may sisigaw ng ‘itigil ang kasal?’

Pero balitang sisipot ang tunay na Lisa sa kasal nila ni Martin para walang gulo at ayaw na niyang isama pa si Mona sa mga problema.

Ang hindi alam ni Lisa ay gustong-gusto ni Mona na siya ang ikasal kay Martin dahil nga lihim niya itong minamahal.

Paano na si Leo kung itutuloy ni Lisa ang kasal, eh, nagka-aminan na silang mahal nila ang isa’t isa?

Abangan ang twist ng SDAP bago mag-It’s Showtime sa ABS-CBN mula Lunes hanggang Biyernes.

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *