Friday , March 29 2024

Cookie’s Peanut Butter, bumongga at naging bukambibig dahil kay Alden

MASAYANG-MASAYA ang may-ari ng Cookies Peanut Butter na si Ms. Joy Abalos nang makausap namin sa mall show ni Alden Richards noong Linggo sa SM Megamall Event Center dahil sa ganda ng sales ng kanilang produkto simula nang maging endorser ang prime actor ng GMA 7.

Ani Ms. Joy, bukod sa tumaas ang sales nila, naging bukambibig pa ito sa mga tahanan at marami ang nag-i-inquire nito sa kanila kung saan at paano makabibili.

Kaya naman bilang dagdag na pagpapakilala pa ng kanilang produkto, dadalhin pa nila ang Cookies Peanut Butter kasama si Alden sa ilang probinsiya.

Samantala, matagumpay ang ginawang mall show na sinuportahan ng buong pamilya Abalos. Dumating si dating Mayor Benjamin Abalos at ang manugang at kasalukuyang Mayor ngayon ng Mandaluyong na si Carmelita Abalos.

Naroon din ang maraming fans club ni Alden tulad ng Aldub NationAlden Philippines at iba pa.

Hinandugan ng kanta at sayaw ni Alden ang sandamakmak na fans na sumugod sa Megamall. Nagkaroon din ng autograph si Alden sa fans na pumila nang hapong iyon.

Hindi kinakitaan ng pagkapagod si Alden ng hapong iyon bagamat nanggaling pa siya sa Sunday Pinasaya.

Ani  Alden, isa iyon sa paraan ng pagpapasalamat niya sa mga blessing na natatanggap niya lalo na sa patuloy na pag-ariba ng kanyang career. Sa mga ganitong event lang  niya talaga napapasalamatan ng bonggang-bongga ang mga taong walang sawang sumusuporta sa kanya.

Malaki rin ang pasasalamat ni Alden sa mag-asawang  Cookie at Joy, may-ari ng Cookie’s Peanut Butter dahil nabigyan siya ng chance para paligayahin ang loyal AlDubfans.

Giit ng binata, nakatutuwang malaman na napakaganda ng naging resulta ng pagiging endorser niya ng nasabing brand, ibig sabihin  kasi nito marami pa rin ang nagtitiwala at naniniwala sa kanya.

Very particular po kasi ako sa endorsement. Ayokong manloko ng tao, kapag effective, I really say it’s effective. At kapag masarap, sa­sabihin ko po talagang masarap. And so far, sa lahat po ng ine-endorse ko, hindi naman po ako napahiya,” paliwanag pa ng aktor.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *