Friday , March 29 2024

Standhardinger nasa PH na (Dumalo sa unang ensayo ng SMB)

DUMATING na sa bansa sa wakas ang inaabangang si Christian Standhardinger kamakalawa.

At bagamat halos wala pang pahinga ay sumabak agad siya sa kauna-unahang ensayo kasama ang Beermen pagkatapos ng lagpas limang buwan.

Magugunitang noong nakaraang Oktubre, pinili ng SMB ang 6’8 Filipino-German na si Standhardinger bilang number one overall pick sa 2017 PBA Rookie Draft.

Ngunit dahil sa kanyang kontrata sa Hongkong Eastern sa Asean Basketball League, hindi muna nakasama si Standhardinger sa koponan nang angkinin nila ang 2018 Philippine Cup kahit wala siya.

Inaasahang sa Mayo pa sana maaaring makasama si Standhardinger sa koponan ngunit napaaga ito matapos mabigo ang Hongkong sa pambato ng bansa na Alab Pilipinas.

Bilang nagdedepensang kampeon, paboritong makapasok sa Finals ang Hongkong ngunit winalis ng Alab sa semis, 2-0 na siyang nagresulta sa maagang pagdating ni Standhardinger.

Sa kanyang pagdating, inaasahang lalo pang lalakas ang Beermen na nakatakdang depensahan ang kanilang Commissioner’s Cup title.

Wala pa si June Mar Fajardo, Alex Cabagnot, Marcio Lassiter at Arwind Santos sa unang ensayo ng Beermen lagpas dalawang linggo matapos nilang amigin ang kanilang ikaapat na sunod na titulo sa All-Pinoy na komperensya.

Sa kabila nito, magkakaroon ng mahaba-haba pang panahon ang SMB na mabuo ang kanilang chemistry dahil sa 9 ng Mayo pa ang unang laban nila kontra sa Meralco kahit pa nagsimula na ang Commissioner’s Cup kahapon.

ni John Bryan Ulanday

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *