Friday , March 29 2024
Bulabugin ni Jerry Yap
Bulabugin ni Jerry Yap

Pagkatapos ng maraming dekada… CH Ligaya Santos inasunto ng MMDA sa DILG dahil burara at pabaya sa kanyang tungkulin

SA wakas, pagkatapos ng maraming panahon, sa administrasyon ngayon ng Metro Manila Development Authority (MMDA) ay inasunto na rin ang ilang dekadang ‘kapabayaan’ ni Chairwoman Ligaya Santos sa kanyang tungkulin na panatilihing ligtas, malinis at maayos ang lugar na kanyang kinasasakupan kabilang ang pinagpupugayang liwasan na ipinangalan kay Gat Andres Bonifacio.

Sinampahan si Ch Santos nitong Biyernes ng kasong administratibo dahil sa talamak na road obstructions sa Ermita, Maynila.

Si Santos, 77-anyos, ay sinabing notoryus sa kapabayaan kaya nanatiling ang Lawton ay ilegal na pinaparadahan ng mga bus, UV Express at ang ilan ay sinabing kolorum na van, at laganap din ang illegal vendors na malaking abala sa maluwag na pagdaloy ng trapiko sa nasabing lugar.

Sinabi ng MMDA sa kanilang reklamo, si Santos ay  hindi nakikipagtulungan sa kampanya ng gobyerno laban sa illegally-parked vehicles at iba pang road obstructions.

Inihain laban kay Santos ang reklamong neglect o dereliction of duty sa Department of Interior and Local Government (DILG). Siya ay kasalukuyang punong barangay ng Barangay 659-A, Zone-71, District V ng Maynila.

Mismong si MMDA acting general manager Jose Arturo Garcia, Jr., ang naghain ng asunto sa tanggapan ni DILG Undersecretary Martin Dino laban kay Santos bunsod ng pagkabigong panatilihin ang kaayusan sa area ng Lawton, sa harap mismo ng Philippine Postal Office.

Nitong nakaraang taon, naglunsad ng operasyon ang MMDA para linisin ang illegal transport terminal at road obstructions ngunit pinabayaan umano ni Santos na magsibalikan sa nasabing lugar ang illegal vendors at mga sasakyan na pumaparada nang ilegal gaya ng bus, UV Express at sinabing mga kolorum na van.

“It was determined that Barangay 659-A Zone 71 had not complied with their obligation under the turn-over agreement. It was found out that obstructions were still existing or have returned at the said roads and roads-right-of-way without the barangay having prevented the same,” ani Garcia sa kanyang complaint-affidavit.

Ibig sabihin ba nito ay magiging maaliwalas na ang Lawton at hindi na aalingasaw ang bantot?!

Naku, maraming mapuputulan ng kaligaya-han kapag nagkataon!

DOJ SEC. GUEVARRA
KONTRA NGA BA SA BI
OVERTIME PAY?

MATINDI raw ngayon ang tsikahan sa lahat ng sulok ng Bureau of Immigration (BI) main office na isa raw pala si bagong talagang Justice Secretary Menardo Guevarra sa mga aktibong nag-o-oppose noon para maibalik ang OT pay para sa kagawaran.

OMG!

Ayon sa ilan nating nakapanayam, noon daw kasagsagan ng balitaktakan sa palasyo ng Malacañang, kasama raw sa grupo ni DBM Secretary Ben Joke-no ‘este Diokno at Executive Secretary Salvador Medialdea si SOJ Guevarra na mariing dumedepensa para HINDI ipagkaloob ang naligwak na overtime pay ng BI employees.

OMG again!

Paano na lang kung totoo ang balitang ito?

Ibig bang sabihin ay mababalewala ang mahigit dalawang taon na pagpupunyagi para maibalik ang nasabing benepisyo?

Paano ang naunang pronouncement ni Pangulong Rodrigo “Digong” Duterte na pag-veto niya sa provisions ng 2018 General Appropriations Act?

Hindi ba kasama sa mga provisions ng 2018 GAA ang muling pagkolekta ng Express Lane Fees para sa itatayong Trust Fund ng BI na pagkukuhaan ng OT?

Paano ngayon ang gagawin kung mismong ang kauupo na ama ng DOJ ay hindi ‘swak’ sa kanyang paniniwala ang pagbabalik ng OT sa ahensiya?

Paano rin kung gayon ang ilang buwan at milyones na koleksiyon ng ELF-OT na sinimulan noong unang buwan ng 2018?

Saan ito mapupunta ngayon kung sakali?

Tsk tsk tsk!

Talagang nakaaalarma ang balita kung ito ay totoo man.

Baka dahil dito ay muli na namang magkaroon ng ‘EXODUS’ sa hanay ng immigration officers (IOs) sa BI main office at sa mga airport.

Wattafak!

Sana naman ay hindi totoo ang balitang ito.

Ngunit masyado pang maaga para i-judge natin si SOJ Guevarra.

Alalahanin na maituturing na niya ngayong kapamilya ang BI.

Kung noon ay kalaban ang tingin niya sa mga nangungulit tungkol sa OT, baka naman ngayon iba na ang kanyang mundong ginagalawan at bigla rin magbago ang kanyang paniniwala at pananaw tungkol sa isyung ito.

Let us give him the chance to prove his worth, sabi nga!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *