Monday , November 19 2018
Breaking News
You are here: Home / News / SAP Bong Go kabalikat ng OFWs

SAP Bong Go kabalikat ng OFWs

TINIYAK ni Special Assistant to the President (SAP) Christopher “Bong” Go, makakamit ng pamilya ng OFW na si Ronald Jumamoy ang hustisya sa pagkamatay niya sa Saudi Arabia noong 2016.

Dininig kahapon ni Go, kasama sina Labor Secretary Silvestre Bello III at Labor Attache Nasser Mustafa, ang hinaing ng pamilya Jumamoy sa Davao City at siniguro ang masusing pagsisiyasat sa pagkamatay ng migranteng manggagawa.

TINIYAK ni Special Assistant to the President (SAP) Christopher Lawrence “Bong” Go, Labor Secretary Silvestre Bello III at Labor Attache Nasser Mustafa ang hustisya sa pagkamatay ng overseas Filipino worker (OFW) na si Ronald Jumamoy. (Malacañang Photo)

Ipabubusisi rin ni Go ang umano’y kapabayaan ng ilang opisyal sa pagbibigay ng ayuda sa biktima.

READ MORE:  Command Center ni Faeldon nilusaw
READ MORE:  Diskarte vs kahirapan top agenda (Sa 60-day peace talks)

Kaugnay nito, ikinagalak ni Go ang magandang resulta sa kaso ng OFW na si Pahima Alagasi.

Sinabi ni Go, natutuwa rin si Pangulong Rodrigo Duterte at natulungan ng pamahalaan si Pahima upang makauwi sa Filipinas at muling makapiling ang kanyang pamilya.

READ MORE:  600% jail congestion rate inamin ng DILG

Si Pahima ang domestic helper na binuhusan ng kumukulong tubig ng kanyang amo, apat taon na ang nakalilipas ngunit ngayon lang napauwi makaraan hilingin ni Pangulong Duterte sa prinsipe ng Saudi Arabia na dumalaw sa Palasyo, na tulungang makabalik sa bansa ang distressed OFW.

Binigyan diin ni Go, laging bukas ang Malacañang sa distressed OFWs at nakahanda ang administrasyong Duterte na kagyat na tumulong sa kanilang hinaing.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved