Saturday , July 21 2018
Breaking News
You are here: Home / News / 4 bata, 1 pa tigok sa amok (suspek utas sa parak)

4 bata, 1 pa tigok sa amok (suspek utas sa parak)

SIRAWAI, Zamboanga del Norte – Patay ang apat bata at isang lalaki makaraan pagtatagain ng isang amok na hinihinalang adik, nitong Sabado.

Ngunit napatay rin ang 34-anyos suspek makaraan mang-agaw ng baril sa pulis.

Ayon sa pulisya, unang inatake ng suspek ang dalawang batang edad 10 at 11 habang naglalaro kasama ang kanilang ama sa isang abandonadong bahay sa Brgy. Pulang Lupa.

Binawian ng buhay ang tatlong biktima dahil sa sugat sa kanilang leeg.

Sunod na pinaslang ng suspek ang dalawang 7-anyos bata sa kalapit na quarrying site.

Agad nadakip ang suspek na hinihinalang lango sa droga, ayon kay Chief Insp. Pocholo Guerrero, hepe ng Sirawai police.

Dinala aniya sa pre-sinto ang suspek, ngunit nakatakas nang magpaalam na gagamit ng banyo, nitong Linggo ng madaling-araw.

Nakorner siya sa sementeryo makalipas ang isang oras ngunit inagaw ang baril ng isa sa mga pulis kaya binaril siya ng mga awtoridad.

HATAW News Team

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved