Friday , March 29 2024

Leni sinopla ni Imee (Sablay ang speech sa London)

“HELLO nasa earth ka ba?”

Reaksiyon ito ni Ilocos Norte Governor Imee Marcos sa tinawag niyang sablay na speech at mali-maling datos na inihayag ni vice president Leni Robredo sa London School of Economics.

Sinabi ni Robredo sa kanyang speech nitong Biyernes sa nasabing paaralan sa London na maraming lugar sa bansa ang nasa talaan ng top 20 poorest provinces kabilang ang Ilocos Norte.

Pero ayon kay Gov. Imee, ito ba ay simpleng kaso ng sablay na pagbasa sa official data o intensiyonal na pag-atake sa pamilya ng karibal niya sa politika?

Batay umano sa pag-aaral ni Ateneo School of Government dean Ronald Mendoza, sinabi ni Robredo, 10 lalawigan na may highest dynastic share noong 2016 election ang palagiang nasa top 20 poorest provinces mula noong 2004.

Ito ang mga lalawigan ng Maguindanao, Sulu at Lanao del Sur sa Autonomous Region in Muslim Mindanao; Batangas at Rizal sa Calabarzon region; Pampanga, Bulacan at Nueva Ecija sa Central Luzon; at Pangasinan at Ilocos Norte sa Ilocos region.

Sinisi umano ni Robredo ang kahirapan ng nasabing mga probinsiya dahil sa political dynasties.

Mabilis na sinalag ni Gov. Imee ang pahayag ni VP Leni, at sinabing ang mga lalawigang binanggit ng huli ay pawang nasa top 20 richest provinces sa bansa, na malinaw na sinabi ng Philippine Statistics Authority.

“Mali-mali ang sinasabi. Epal talaga!” ani Gov. Marcos sa panayam.

“She can easily check her data with experts, especially government agencies like the National Economic Development Authority (NEDA) or the Philippine Statistics Authority if she wants a more accurate readings on the state of poverty in the provinces,” ani Gov. Imee.

“For the record, ang Ilocos Norte ay laging isa sa mga lalawigan na may mababang poverty incidence sa mga ginawang pagtatasa sa mga nakaraang dekada at hindi top 20 poorest provinces,” ani Marcos.

Sa opisyal na datos mula sa Philippine Statistics Authority, ang Ilocos Norte ay may 13.7% poverty incidence sa pagtatasa noong 2006; 11.1% noong 2009; 8.4% noong 2012; at 3.3% noong 2015.

Sa pinakabagong tala ng Ilocos Norte Provincial government idinagdag na nakamit ang 16.7% economic growth noong 2013-2014 kompara sa 5.72% regional growth at 6.13% sa national level.

Kapuna-puna rin umano ang pagbaba ng unemployment rate sa lalawigan mula 37% noong 2010 hanggang 4.2% sa kasalukuyan.

Ayon kay Gov. Imee, ang Ilococs Norte ay isa sa ilang lalawigan na nakakamit ang Millennium Development goal sa pagpapabagsak sa kalahati ng poverty rate.

Sa opisyal na rekord ng Ilocos Norte tourism office,  mahigit 1.6 milyon turistang lokal at dayuhan ang bumisita sa Ilocos Norte noong 2015 kompara sa 259,148 naitala noong 2012.

Sinabi ni Gov. Imee, mismong si Robredo ay dalawang beses pumasyal sa probinsiya kasama ang kanyang mga anak, “so I guess she should have observed the developments in the province and in the lives of the people.”

“Kung gustong tumulong ni Leni, tulugan niya ang mga kababayan niyang Bicolano,” pagwawakas ng Gobernador.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *