Friday , March 29 2024
fire dead

Distressed OFW, inang senior citizen patay sa Caloocan fire

PATAY ang isang distressed overseas Filipino worker (OFW) at ang kanyang inang senior citizen sa sunog na sumiklab sa kanilang bahay sa Tala, Caloocan City, nitong Lunes ng gabi.

Ayon sa ulat, hindi na nakilala ang labi ng biktimang si Herminda Carbonel, 74-anyos, at ang kanyang anak na si Banjo, 51-anyos.

Si Banjo ay isang dating OFW sa Dubai na nagkaroon ng diperensiya sa pag-iisip.

Batay sa ulat ni Bureau of Fire Protection (BFP) Supt. Gary Alto, fire marshall ng Caloocan, dakong 10:30 pm nang magsimula ang sunog sa bahay ng mga biktima sa Brgy. 188, Tala ng nasabing lungsod.

Hindi pa malinaw kung paano nagsimula ang sunog ngunit kombinsido ang pamilya na ang lalaking biktima ang posibleng may kagagawan sa insidente.

Kuwento ng kapatid ng lalaking biktima, nagwala umano si Banjo sa labas ng bahay bago sumiklab ang sunog. Napilitan siyang ipasok ang biktima sa bahay.

“Ginapos ko po para ‘di nagwawala. Nagpa-tulong pa ako sa barangay para ipasok dito,” aniya.

Iniwanan muna niya ang mga biktima para bantayan ang bahay ng kaniyang ate nang biglang sumiklab ang sunog.

Sa loob lamang ng higit isang oras, natupok ang buong bahay. Nadamay sa insidente ang isang bakery at salon.

Nang maapula ang apoy, natuklasan na hindi pala nakalabas ang ginang at si Banjo.

Sa inisyal na imbestigasyon, bago ang insidente ay nakitang may bitbit na gasolina si Banjo.

“Hindi na nakainom ng gamot. Bumabalik ang sakit,” anang kapatid.

Tinatayang umabot sa P500,000 halaga ng mga ari-arian ang  napinsala ng sunog.

ni ROMMEL SALES

About Rommel Sales

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *