Wednesday , October 17 2018
Breaking News
You are here: Home / Showbiz / Panliligaw ni Juancho kay Maine, pinalagan
Panliligaw ni Juancho kay Maine, pinalagan

Panliligaw ni Juancho kay Maine, pinalagan

NATAWA na lang kami room sa kuwento na bina-bash na naman nang todo ngayon niyong AlDub iyong si Juancho Trivino dahil nakitang kasama ni Maine Mendoza sa panonood ng isang concert.

Hindi iyan ang first time. May panahong minumura rin nila si Sef Cadayona na pinagbintangan nilang nanliligaw din kay Maine. May panahong pati si Jake Ejercito minumura-mura nila.

Isa lang ang dahilan, may suspetsa sila na ang mga iyon ay nanliligaw kay Maine, at gusto nila si Maine para kay Alden Richards.

Masasabi nating iyan ang dahilan kung bakit napilitan na rin si Maine na amining wala naman silang love affair talaga ni Alden, talagang love team lang iyon sa kanila. Ang hindi namin malaman kung bakit kung sino-sino ang minumura nila. Bakit hindi ang tilian nila ay si Alden at tanungin kung bakit hindi niya nililigawan si Maine. Hindi ba mas may logic kung bago mo murahin ang ibang tao, tingnan mo muna kung sino ang walang ginagawa sa paligid mo?

READ MORE:  Bakit Manipis ang Ulap? puwedeng ipantapat sa serye ng GMA at ABS-CBN

Hindi nanliligaw si Alden kay Maine. Hanggang sa harap lang ng camera iyon. Ano ang gusto ninyong mangyari, bumili na lang kayo ng isang truck na asin at iburo ninyo si Maine? Bata pa si Maine eh, maganda naman at may mga nagkakagusto sa kanya. Bakit naman siya magmumukmok kung hindi naman siya nililigawan ni Alden na ka-love team niya?

READ MORE:  Niño, ang Tita Amalia ang naging peg sa pagbe-beki

Iyang fans na iyan, nagiging unfair sila kina Alden at Maine. Unfair sila kay Maine dahil pilit nilang inaagaw ang kabataan niyon at gusto nilang ma-control nang hindi naman tama. Unfair din naman sila kay Alden dahil paano nga kung iba naman talaga ang gusto niya?

READ MORE:  Away nina Kris at Vice, ‘di raw totoo, pero pinag-usap sila ng isang executive

Totoong ang mga artista ay may utang na loob sa kanilang fans, kasi hindi naman sila sisikat kung wala ang mga iyon, pero hindi iyon nagbibigay ng karapatan sa fans na pakialaman pati ang personal na buhay ng mga artistang kanilang hinahangaan. Tagahanga lamang sila, hindi tagapagpatakbo ng buhay ng mga artista.

Huwag naman ninyong kawawain ang mga artista dahil diyan sa mga mali ninyong paniniwala.

HATAWAN
ni Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved