Friday , March 29 2024
Bulabugin ni Jerry Yap
Bulabugin ni Jerry Yap

Alternatibo sa mga apektado sa pagpapasara ng Boracay mayroon ba?

ILAN kaya ang natuwa sa pagpapasara ni Pangulong Rodrigo “Digong” Duterte sa isla ng Boracay para sa publiko?!

Tiyak kaunti lang.

‘Yung mga sumusunod sa batas at namumuhunan nang malaki para maisaayos ang kanilang mga establisyemento, tiyak na isa sila sa masasama ang loob ngayon dahil hindi lang apektado kundi luging-lugi sila ngayon.

Ano ang gagawin nila sa loob ng anim na buwan?

Paano nila babawiin ang puhunan nila?! Lalo na ‘yung mga nangutang sa banko o sa mga lending company na kailangan nilang bayaran buwan-buwan.

‘Yung mga residente na ang tanging ina­asahang pagkukuhaan nila ng kabuhayan ay mga estblisyementong nagnenegosyo sa Boracay, ano ang alternatibo nilang kabuha­yan?

Bakit nga ba hindi naaprobahan ang selective closure?!

‘Yun bang tipong, phase by phase ang pagsasara para naman may pagkukuhaan pa ng kabuhayaan ang mga tao?!

Ang kompanya ng mga eroplanong apektado? Ang mga kanseladong flight?

At ang mga nagplano ng kanilang bakasyon?! Paano na?!

Anyway, hindi pa naman end of the world ang pagpapasara sa Boracay.

Baka nga sa pagsasarang ito, ma-explore pa ng ilang bakasyonista ang ibang magagandang isla sa Filipinas gaya sa Samar islands.

O kaya panahon na para dayuhin ang Panglao island sa Bohol?

Mahal ang airfare sa Palawan, pero tiyak na marami pang isla sa Palawan ang hindi pa nararating ng marami gaya sa El Nido.

Sa Luzon, napakaraming isla ang hindi pa nai-explore.

Hindi lang Boracay ang puwedeng magpasigla sa turismo ng bansa. Hindi lang ang Boracay ang paraiso, ang buong Filipinas ay isang paraiso para sa mga dayuhan.

Ito lang siguro ang dapat bantayan, baka naman sa pagsasara ng Boracay sa loob ng anim na buwan, kapag nagbukas ito ay nakatindig na ang Galaxy hotel & casino?!

‘Yun lang!

Pansamantala, dapat pag-isipan ng mga awtoridad kung paano pananagutin ang mga naunang administrasyon sa ginawang kapabayaan sa Boracay.

‘Di ba, Secretary Roy Cimatu?!

JUETENG
SA SOUTH-METRO
NILARGAHAN NA!
(ATTENTION: NCRPO
Dir. Gen. OSCAR
ALBAYALDE)

LARGADO na naman pala ang operasyon ng jueteng  sa buong teritoryo ng Southern Police  District (SPD) matapos mabasbasan ang bagong jueteng lord na si alyas Jhun Bilorya.

Sa kanya na nagtakbuhan ang mga dating kabo at personnel ng dating jueteng operator sa south Metro dahil itinaas nang 40 porsiyento ang kita nila.

Ayon sa Bulabog boy natin sa PNP-SPD, i­lang tiwaling pulis na nakadikit sa SPD Office of the Director ang nagbigay umano ng go-signal para i-operate ni Bilorya  ang kanyang  jueteng den sa buong distrito.

Ipinagyayabang pa umano ni alyas Bilor-ya na inareglo na rin daw niya ang I.N.T. ng mga mayor ng bawat lugar maging ang mga chief of police at mga barangay na nakasasakop kung saan siya may  operasyon ng jueteng.

Kaya nga raw mabilis na nailatag ni alias Bilorya ang kanyang organisadong jueteng sa Pasay City, Taguig, Makati, Muntinlupa, Las Piñas at Parañaque dahil plantsado na ‘lahat?’

Ang pinagtatakhan ng ilang mga nagmamalasakit na mamamayan, bakit tila hindi ginagalaw at hinuhuli ng pulisya ang jueteng ope­ration ni alias Bilorya gayong mahigpit ang utos ni PNP chief, Director Gen. Bato dela Rosa na sugpuin ito?!

Anyare sa one-strike policy versus tengwe!?

Sonabagan!!!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *