Friday , March 29 2024

Kawalan ng license plates, COA ang sisihin

SINISI ang Commission on Audit (COA) sa nararanasang kawalan ng makabagong motor license plates matapos ‘upuan’ at hindi aksiyonan ang tatlong desisyon ng Korte Suprema na nagsabing legal at konstitusyonal ang motor vehicle licensing program ng Land Transportation Office (LTO).

Dahilan sa kawalan ng aksiyon ng COA, nababalam ang mahigit 10 milyong motorista na hanggang ngayon ay walang license plates.

Sa panayam kay Atty. Patrick Penachos, abogado ng JKG-Power plates, ang nanalong supplier sa programa, noon pang 14 Hunyo 2016, nag-isyu ng paborableng desisyon ang Korte Suprema na nagsabing legal at konstitusyonal ang programa.

Sa desisyong isinulat ni Associate Justice Lucas Bersamin noong 14 Hunyo 2016, pinawalang bisa niya ang mga isyung bumalot sa kaso, kasama ang alegasyong hindi kasama sa 2014 National Budget na isinumite ng DoTC noon.

Sapat aniya ang pruweba na walang anomalyang ginawa ang DoTC sa pamumuno ni dating kalihim Joseph Abaya.

Nasasaad mismo sa mga dokumentong isinumite ng DoTC sa Korte Suprema na ang dagdag badyet sa programa ay legal at dumaan sa proseso ng lehislatura.

Ayon sa court records, may alegasyong wala umanong isinumiteng badyet sa Kongreso ang programa at tanging P2.3 bilyon lamang ang nailaan para rito.

Ngunit sa isang liham na isinumite ni Abaya kay dating Budget secretary Butch Abad noong Setyembre 2013, humiling siya nang dagdag na alokasyong P2.4 bilyon bilang kompletong pampondo sa nasabing programa.

Hindi aniya maituturing na ilegal ang ginawang yaon ni Abaya sapagkat naisumite ang 2014 pambansang badyet bago ang implementasyon ng programa noong Pebrero 2015.

Sa pagtataya ng Korte Suprema, dumaan aniya sa konstitusyonal na pamamaraan ang badyet ng LTO-DoTC.

Sa kabila ng desisyon ng Korte Suprema, nananatiling tuod at hindi umaaksiyon ang COA.

Batay sa isinasaad ng Konstitusyon, anomang desisyong inisyu ng Kataas-taasang Hukuman ay bahagi na ng batas ng Filipinas, at anomang hindi pagsunod dito ay masasabing paglabag sa batas.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *