Thursday , July 19 2018
Breaking News
You are here: Home / Showbiz / Televiewers, galit kay Lorna; Cherie Pie, pinatay na sa Asintado 
Televiewers, galit kay Lorna; Cherie Pie, pinatay na sa Asintado 

Televiewers, galit kay Lorna; Cherie Pie, pinatay na sa Asintado 

MAHIRAP talagang pagsabayin ang dalawang teleserye lalo na’t hand to mouth ang taping kaya kinakailangang mawala ang isa.

Ito ang nangyari ngayon kay Cherie Pie Picache na sabay ginagawa ang panghapong seryeng Asintado pagkatapos ng It’s Showtime ni Julia Montes at ang The Blood Sisters ni Erich Gonzales na napapanood bago mag-TV Patrol.

Mas naunang umere ang Asintado na obviously unang inalok ito kay Cherie Pie bilang si Celeste na nanay-nanayan nina Aaron Villaflor, Aljur Abrenica, Empress Schuck, Louise de los Reyes, at Julia na tinutuklas ang lihim ni Nonie Buencamino bilang si Senator Salvador del Mundo na may mga illegal na gawain.

Between Asintado at The Blood Sisters ay mas kailangan si Cherie Pie sa serye ni Erich dahil siya ang ina ng triplets na sina Erika, Carrie, at Agatha dahil siya ang may hawak ng susi kung paano nagkahiwa-hiwalay ang magkakapatid na ang ama ay si Jestoni Alarcon.

Going back to Asintado, maraming galit sa karakter ni Lorna Tolentino bilang si Miranda Ojeda na ina ni Paulo Avelino (Gael) at kanang kamay at kasosyo sa illegal na negosyo ni Salvador (Nonie).

Si Miranda (Lorna) ang pumatay kay Celeste (Cherie Pie) nang mahuli niya ito sa mansiyon na naghahanap ng ebidensiya laban sa kanila kaya nagpambuno sila at nabaril kaya mas lalong tumindi ang galit ni Ana (Julia) na maghiganti laban sa mga del Mundo (Nonie).

Bago nalagutan ng hininga si Celeste (Cherie Pie) ay naiabot niya kay Ana (Julia) ang librong pag-aari ng tatay ng huli.

Nakatutuwa ang mga artista ng ABS-CBN segue-segue lang sila sa mga teleserye.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright © 2009 - 2017 hatawtabloid.com | All Rights Reserved