Thursday , March 28 2024
Liza Soberano sexy

Darna, gagawin pa rin ni Liza!

SIMULA nang umere ang epic-seryeng Bagani nina Liza Soberano at Enrique Gil nitong Lunes ay hindi na nawalan ng isyu. Hindi namin alam kung sadya ba ito o nagkataon lang.

Lunes, bago umere ang Bagani ay may reklamong natanggap na ang ABS-CBN Management mula kay CHEDCommissioner Ronald Adamat, dating representative ng Indigenous People Sector na nagre-reklamo tungkol sa paggamit ng titulong Bagani.

Kaagad naman itong sinagot ng nasabing network na wala silang masamang intensiyon sa titulo.

Bagani Lizquen Liza Soberano Enrique Gil Matteo Guidicelli Sofia Andres Makisig Morales

Miyerkoles, kaliwa’t kanan ang mga birang natanggap ng isa sa cast ng Bagani na si Sofia Andres mula sa mga kasamahan sa panulat at bloggers na may attitude problem ang dalaga.

Inaksiyonan naman kaagad ito ni Sofia at humingi ng dispensa sa lahat ng nagawan niya ng pagkakamali na ipinost niya sa kanyang IG account at umaasang mabigyan siya ng isa pang pagkakataon para baguhin ang ugali niya dahil may pinagdaraanan siya.

At kahapon, Huwebes ay lumabas naman ang balitang ‘shelved’ na ang movie project ni Liza na Darna mula sa direksiyon ni Erik Matti.

Si Liza ay si Ganda sa Bagani na tumutulong sa mga magsasaka na magiging kakampi ni Lakas na karakter naman ni Enrique.

Going back to Darna ay nagulat ang buong production ng pelikula nang mabasa ang isinulat ni Entertainment Editor, Ricky Lo ng Philippine Star na shelved na nga raw ang pelikula dahil abala si Liza sa Bagani.

Ang alam din namin ay matagal nang nagsu-shooting si Liza ng Darna na hindi nga lang tuloy-tuloy dahil nga bukod sa Bagani ay may mga iba pa siyang commitment.

Totoong matagal bago nasimulan ang Darna dahil hindi pa plantsado noon ang schedule ni Liza dahil locked-in sila sa set ng Bagani sa Ilocos para sa pilot week at dahil mas malapit na ngayon ang location ng mga susunod na eksena ng serye ay puwede ng sumegue-segue ang aktres para sa shooting ng pelikula niya.

Oo nga naman, maski sino ay maiisip na posibleng hindi na magagawa ni Liza ang Darna dahil mahirap pagsabayin ang pelikula at serye pero nagawan ito ng paraan.

Tinawagan namin ang Star Cinema PR Manager na si Mico del Rosario kahapon tungkol sa isyu at sabi niya,”nasa Instagram na po ang sagot namin.”

Base naman sa IG account ni Mico na naka-post ang artikulong ‘Is Darna shelved?’ na kaagad sinagot ng, ”THIS IS NOT TRUE. Spoken already to Tito Ricky Lo and clarify that DARNA has already started shooting. Tuloy na tuloy po ang Darna.”

Kaya sa fans ni Liza, tuloy na tuloy pa rin po ang Darna movie niya at kung walang pagbabago ay mapapanood ito sa mga sinehan sa last quarter of 2018 o 2019.

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *